អ្នករៀន IT ជួបអ្នករៀនពេទ្យ សួរមួយសំណួរម្នាក់ឆ្អែតចិត្តរៀងខ្លួន!

2021-12-30 07:37:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រៀនជំនាញ IT ជាជំនាញមួយដែលត្រូវការអនុវត្តច្រើន ការអត់ធ្មត់ ចំណែកជំនាញពេទ្យក៏មិនអន់ដែរ គឺត្រូវព្យាយាមផ្ចិតផ្ចង់យកចិត្តទុកដាក់ រៀនអនុវត្តន៍ និងត្រូវការចំណាយពេលដូចគ្នា។ តោះ! អានរឿងហួសចិត្តនេះមើល!

រូបតំណាង

ដំបូងនិស្សិត IT ម្នាក់មិនសូវស្រួលក្នុងខ្លួន ក៏ទៅរកជំនួយពីពេទ្យដោយទិញថ្នាំនៅឧសថស្ថានលក់ថ្នាំ ហើយនិស្សិតពេទ្យ ក៏បានប្រាប់ថា តម្លៃថ្នាំទាំងអស់នេះ អស់ចំនួន ១០០ ដុល្លារ។ និស្សិត IT បើកភ្នែកធំៗហើយសួរយ៉ាងលឿន គ្រូពេទ្យ ហេតុអីក៏ថ្លៃម្ល៉េះ?

គ្រូពេទ្យតប៖ មិនថ្លៃទេ ប៉ុណ្ណឺងនោះ! ខ្ញុំខំរៀនអស់លុយមិនតិចទេ ហើយរៀនក៏យូរដែរ លោកយល់ទេ។

១ សប្ដាហ៍ក្រោយមក

គ្រូពេទ្យ៖ បងៗជួយ Setup Window ថ្មីឲ្យខ្ញុំមួយផង ព្រោះកុំព្យូទ័រខ្ញុំមានមេរោគ ហើយបងគិតថ្លៃប៉ុន្មានដែរ?

និស្សិត IT៖ តប! បាទ! ចំពោះលោកគ្រូពេទ្យ បើគ្រាន់តែ Setup Window ថ្មី អស់តែ ៥០ ដុល្លារនោះទេ។

គ្រូពេទ្យ៖ វាមិនដែល! តម្លៃធម្មតាតែ ៥ ដុល្លារទេ! ហេតុអីក៏ថ្លៃម្ល៉េះ?

និស្សិត IT៖ បាទ! តម្លៃធម្មតាគឺ ៥ ដុល្លារមែន ប៉ុន្តែចំពោះលោកគ្រូពេទ្យ អ្នកច្បាប់ និងអ្នកមួយចំនួនទៀតគឺតម្លៃជាង ៥០ ដុល្លារនឹងហើយ ម្យ៉ាងទៀត ជំនាញនេះមិនមែនចេះតែកើតមកចេះទេ គឺរៀនចំណាយពេលមិនចេះតិចឡើយ។

តម្លៃអប់រំ៖ រៀនជំនាញអ្វីក៏ដោយ ក៏មិនអត់ប្រយោជន៍ដែរ តែមិនត្រូវមើលស្រាលសមត្ថភាពជំនាញអ្នកដទៃនោះទេ តួទាំងពីរខាងលើ ទោះជាបានរៀនចប់រួចហើយ ក៏ដោយ តែដល់ពេលជួបគ្នាក្នុងពេលមានអាសន្ន គឺមិនអាចខ្វះគ្នាបានទេ៕

ប្រភព៖ Chanel Da អត្ថបទ៖ រក្សា