ចាក់បទគោរពភ្លេងជាតិខុសដល់ទៅ៣ដង ដល់ថ្នាក់កីឡាករសុំច្រៀងគោក
- 2022-01-13 07:31:59
- ចំនួនមតិ 0 | ចំនួនចែករំលែក 0
ចាក់បទគោរពភ្លេងជាតិខុសដល់ទៅ៣ដង ដល់ថ្នាក់កីឡាករសុំច្រៀងគោក
ចន្លោះមិនឃើញ
ក្រុមកីឡាករជម្រើសជាតិម៉ូរីតានីឈរទាំងអារម្មណ៍អន់ចិត្ត ដោយសារតែពួកគេមិនបានឮបទគោរពភ្លេងជាតិរបស់ពួកគ ព្រោះតែកំហុសបច្ចេកទេសដល់ទៅ៣ដង។
ក្រុមជម្រើសជាតិម៉ូរីតានី បានលេងជាមួយក្រុមហ្គាំប៊ីសម្រាប់ការប្រកួតដំបូងរបស់ពួកគេក្នុងវគ្គសន្សំពិន្ទុកាលពីម្សិលមិញក្នុងពានរង្វាន់ Africa Cup on Nations ។ ក្រុមកីឡាកររបស់ម៉ូរីតានីបានឈរជាជួរដើម្បីត្រៀមច្រៀងភ្លេងជាតិ ប៉ុន្តែមន្ត្រីកីឡដ្ឋានបែរជាចាក់ខុសបទដល់ទៅ៣ដង។
វាបានធ្វើឲ្យកីឡាករម៉ូរីតានីគ្មានជម្រើស ដោយសម្រេចចិត្តច្រៀងដោយគ្មានភ្លេងតែម្ដង ខណៈភ្លេងជាតិរបស់ក្រុមហ្គាំប៊ីមិនមានបញ្ហាអ្វីឡើយ។ នេះជាកំហុសថ្មីមួយទៀតក្នុងថ្ងៃតែមួយក្នុងព្រឹត្តិការណ៍ Africa Cup on Nations បន្ទាប់អាជ្ញាកណ្ដាលបានផ្លុំកញ្ចែបញ្ចប់ការប្រកួតត្រឹមនាទី៨៥ ក្នុងជំនួបរវាងក្រុមម៉ាលីនិងទុយណេស៊ី៕