ណាត់ជួបគ្នាមិនប៉ុន្មានដងផង Angelina Jolie ទម្លាយអារម្មណ៍ពិតចំពោះ The Weeknd
- 2022-01-24 07:38:50
- ចំនួនមតិ 0 | ចំនួនចែករំលែក 0
ណាត់ជួបគ្នាមិនប៉ុន្មានដងផង Angelina Jolie ទម្លាយអារម្មណ៍ពិតចំពោះ The Weeknd
ចន្លោះមិនឃើញ
យោងតាមព័ត៌មានចុងក្រោយពី Geo Angelina Jolie បានឱ្យដឹងថានាងកំពុងតែរីករាយយ៉ាងខ្លាំង បន្ទាប់ពីបានណាត់ជួបជាមួយតារាចម្រៀង The Weeknd ហើយអ្នកទាំងពីរត្រូវបានគេមើលឃើញថាជា "មិត្តល្អគ្នា"។
បន្ទាប់ពីទទួលានអាហារពេលល្ងាចដ៏កក់ក្ដៅ និងជារាត្រីណាត់ជួបដ៏រ៉ូមែនទិករបស់ Angelina Jolie ជាមួយ The weeknd វាបានធ្វើឱ្យAngelina Jolie ហាក់មានអារម្មណ៍ល្អប្រសើរ ក្រោយជួបបញ្ហាស្មុគស្មាញរឿងលែងលះជាមួយអតីតស្វាមីនាង។
យោងតាមប្រភពមួយបានបញ្ជាក់ថាចាប់តាំងពី Angelina លែងលះជាមួយ Brad Pitt នាងមានការព្រួយបារម្ភយ៉ាងខ្លាំងថានាងនឹងមិនអាចណាត់ជួបជាមួយអ្នកណាទៀតឡើយ។ ប៉ុន្តែមួយរយៈពេលចុងក្រោយនេះស្រាប់តែលេចវត្តមាន The Weeknd បានធ្វើឱ្យ Angie មានអារម្មណ៍ថាធូរស្បើយ និងរីករាយជាងមុន។
រម្លឹកផងដែរថា Angelina Jolie និង The Weeknd បានជួបគ្នាប៉ុន្មានដងហើយ។ នៅពីខែកក្ដដាឆ្នាំមុន ប្រភពពី US Weekly បានបញ្ជាក់ថាពួកគេត្រូវគ្នាខ្លាំងណាស់ ប៉ុន្តែគ្មានអ្វីអាចសម្គាល់បានទេថាការណាត់ជួបដ៏រីករាយនេះ ជាសេចក្ដីស្នាហា។ លើសពីនេះ អ្នកនិយមលេងអ៊ីនធឺណេតជាច្រើនត្រូវ លើកឡើងថាហេតុផលដែលធ្វើឲ្យអ្នកសិល្បទាំងពីរមានភាពស្និទ្ធស្នាលជាមួយគ្នានោះ គឺដោយសារតែកូនៗរបស់ Angelina Jolie គឺជាអ្នកគាំទ្រ The Weeknd៕