លឿនដូចព្យុះសង្ឃរា! មិនដល់មួយដង្ហើមផង របស់ ៥មុខច្នៃចេញពី Jungkook លក់ដាច់អស់ខ្ទេច
- 2022-01-26 03:03:54
- ចំនួនមតិ 0 | ចំនួនចែករំលែក 0
លឿនដូចព្យុះសង្ឃរា! មិនដល់មួយដង្ហើមផង របស់ ៥មុខច្នៃចេញពី Jungkook លក់ដាច់អស់ខ្ទេច
ចន្លោះមិនឃើញ
“Artist Made Merch Collection” ស្នាដៃរបស់ Jungkook បានបង្ហាញមុខហើយ រួមមាន អាវមានមួកចំនួន ៤ និង អំពូល Mikrokosmos ១ ប៉ុន្តែភ្លាមៗមិនបានមួយដង្ហើមផង ផលិតផលទាំងនេះមានអ្នកទិញអស់រលីងគ្មានសល់ឡើយ។
លទ្ធផលនេះបានធ្វើឲ្យ Jungkook ក្លាយជាម្ចាស់ទំនិញទីមួយដំបូងគេ ដែលមានសមត្ថភាពលក់ឥវ៉ាន់ដាច់អស់លឿនបំផុតក្នុងពិភពលោក ហើយក៏បានអង្រួន WeVerse ឲ្យកក្រើកមិនធម្មតាដែរ ពេល Live លក់ភ្លាមៗ។
ប្រភេទឥវ៉ាន់ទាំងអស់ដែលមាន ២ប្រភេទ ស្មើនឹងចំនួន ៥ (អាវ ៤ពណ៌ និងអំពូល១) មានតម្លៃខ្ពស់គួរសម ប៉ុន្តែនៅតែចាញ់ឥទ្ធិពលនៃសន្ធឹកទិញរបស់ម៉ូយៗរបស់ Jungkook ដែលត្រូវជា ARMY។ អាវក្រៅមានក (Hoodie) ១ មានតម្លៃ ១២៥,៤១ដុល្លារ ស្របពេលអំពូលវិញមានតម្លៃ ១៤៣,៩៩ដុល្លារ)។
វាពិតជាបញ្ជាក់បានថា ឥទ្ធិពលប្រជាប្រិយភាពរបស់តារាប្រុសរូបនេះ និងសមាជិករួមក្រុមកាន់តែហក់ឡើងខ្ពស់ជាលំដាប់ ព្រោះគ្រប់ Merch ដែលដាក់បង្ហាញជាបន្តបន្ទាប់ មានអ្នកចាំទិញភ្លាមៗ ហើយក៏ដាច់អស់ពីស្តុកគ្មានសល់ភ្លាមៗដែរ។ ផលិតផលច្នៃផ្ទាល់ចេញពីគំនិតរបស់សមាជិកទាំង ៧ របស់ BTS បានបង្ហាញអស់ហើយ ពេលនេះក៏ដល់ពេលអ្នកគាំទ្ររង់ចាំជាបន្តនូវស្នាដៃបទចម្រៀងថ្មីសម្រាប់ឆ្នាំ ២០២២ វិញម្ដង។ ដំណឹងដើមឆ្នាំចេញពី Big Hit Music បញ្ជាក់ថាក្រុមនឹងមានបទថ្មី ប៉ុន្តែមិនទាន់មានព័ត៌មានបន្ថែមពីថ្ងៃខែដែល BTS នឹងបង្ហាញមុខទេ៕