LD កំពុងផលិតរឿងរន្ធត់ “១២ង” ដោយប្រើបច្ចេកទេសស្តង់ដារអន្តរជាតិ

  • 2022-03-01 03:43:13
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈដែលសង្វាក់ផលិតកម្មភាពយន្ដនៅកម្ពុជា មិនទាន់ដំណើការពេញលេញឡើងវិញ ដោយសារតែបញ្ហាជំងឺកូវីដ-១៩ ផលិតកម្ម LD បានបោះជើងមួយជំហ៊ានទៀត ក្នុងការផលិតខ្សែភាពយន្ដថ្មី ហើយប្លែករបស់ខ្លួនដោយប្រើបច្ចេកទេសស្ដង់ដាអន្ដរជាតិ ដើម្បីបម្រើអារម្មណ៍ទស្សនិកជន។

ចាងហ្វាងផលិតកម្ម LD លោក លៀក លីដា បង្ហើបថា ផលិតកម្មរបស់លោក កំពុងដំណើរការថតខ្សែភាពយន្ដខ្នាតធំថ្មីមួយ បែបភ័យរន្ធត់ វាយតប់ កាប់ចាក់។ រឿងនោះ មានចំណងជើងថា “១២ង” ដែលដឹកនាំសម្ដែងដោយលោកផ្ទាល់។

អ្វីដែលមហាជនកាន់តែចាប់អារម្មណ៍នោះ គឺមានតួអង្គឯកស្រីដែលជាម្ចាស់មកុដក្នុងកម្មវិធី “Miss Grand Cambodia 2021” គឺកញ្ញា ប៉ូគីមថេង សុធីតា ចូលរួមសម្ដែងទៀតផង។

ទោះជាយ៉ាងណា លោក លៀក លីដា មិនទាន់បង្ហាញមុខតួអង្គផ្សេងទៀតទេ ហើយខ្សែភាពយន្ដខ្នាធំមួយនេះ នឹងត្រូវចំណាយទឹកប្រាក់ ដើម្បីថត ហើយនឹងបញ្ចប់នៅពេលណានោះទេ គឺទុកឲ្យប្រិយមិត្ដរង់ចាំតាមដានទាំងអស់គ្នា៕

ជិន សុភ័ក្ដ្រ