iPad Pro ទំហំ ១២,៩អ៊ីញនឹងមានវត្តមាននៅដើមឆ្នាំ ២០១៥
- 2014-09-26 16:43:56
- ចំនួនមតិ 0 | ចំនួនចែករំលែក 0
iPad Pro ទំហំ ១២,៩អ៊ីញនឹងមានវត្តមាននៅដើមឆ្នាំ ២០១៥
ចន្លោះមិនឃើញ
ប្រភពមិនផ្លូវការជាច្រើនបានបង្ហាញថា iPad ជំនាន់ចុងក្រោយរបស់ Apple នឹងមកដល់នៅលើទីផ្សារយ៉ាងយូរបំផុតត្រឹមដើមឆ្នាំ ២០១៥។ ដោយឡែកកាលពីពេលកន្លងទៅប្រភពចចាមអារ៉ាមក៏បានអះអាងទៀតថា Tablet ជំនាន់ចុងក្រោយរបស់ Apple នេះអាចមានឈ្មោះថា iPad Pro ដែលបំពាក់អេក្រង់ទំហំ ១២,៩ អ៊ីញ។
iPad Pro ១២,៩ អ៊ីញនេះនឹងដំណើរការដោយ A8X Chipset ដែលខុសពី iPhone 6 និង iPhone 6 Plus គឺប្រើត្រឹមជំនាន់ A8 តែប៉ុណ្ណោះ។ Apple ចាប់ផ្ដើមផលិត Chipset ជំនាន់ X កាលពីពីរឆ្នាំមុនមកម្ល៉េះដូចជា A5X និង A6X ជាដើម។ A8X ជា Chipset ជំនាន់ចុងក្រោយបង្អស់ដែល Apple គ្រោងបំពាក់ទៅលើ iPad Pro មួយនេះ ខណៈដែល iPad Air 2 និង iPad Mini 3 ប្រើ Chipset ត្រឹមជំនាន់ A8 នៅឡើយ។ ទោះជាយ៉ាងណាiPad Pro អាចចេញចុងក្រោយគេ បន្ទាប់ពី iPad Air 2 និង iPad Mini 3 នឹងត្រូវប្រកាសចេញនៅខែតុលាខាងមុខនេះ៕
អាន៖ ផលអាក្រក់ចំពោះសុខភាពទាំង៦ដោយសារវិទ្យុសកម្ម WiFi និង 4G/LTE
ប្រែសម្រួល៖ សែម សុធារិទ្ធ ប្រភព៖ geeky-gadgets