យល់ដឹងពីការប្រកួតពាន AFC Cup របស់វិសាខា និងភ្នំពេញក្រោន នាសប្ដាហ៍នេះហើយ

2022-06-20 02:21:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមវិសាខា បានធ្វើដំណើរទៅកាន់ប្រទេសឥណ្ឌូណេស៊ី កាលពីម្សិលមិញ ហើយដើម្បីចូលរួមប្រកួតពាន AFC Cup 2022 ក្នុងវគ្គជម្រុះពូល G ស្របពេលក្រុមភ្នំពេញក្រោន នឹងធ្វើដំណើរទៅវៀតណាម ដើម្បីចូលរួមការប្រកួតពានរង្វាន់កម្រិតទី២នៃតំបន់អាស៊ីនេះដូចគ្នា។ វិសាខា គឺប្រទេសឥណ្ឌូណេស៊ីជាអ្នករៀបចំធ្វើម្ចាស់ផ្ទះ ស្របពេលដែលក្រុមភ្នំពេញក្រោន ប្រទេសវៀតណាមជាអ្នករៀបចំធ្វើម្ចាស់ផ្ទះ។ ពូលរបស់វិសាខាមានក្រុម Kaya របស់ហ្វីលីពីន មានក្រុម Kedah Darul Aman FC របស់ម៉ាឡេស៊ី និងក្រុម Bali United របស់ម្ចាស់ផ្ទះឥណ្ឌូណេស៊ី។

រូបវិសាខា

សម្រាប់ភ្នំពេញក្រោន ស្ថិតនៅពូល I ដែលពូលនេះមានក្រុម Hougang United របស់សិង្ហបុរី មានក្រុមខ្លាំង Viettel របស់ម្ចាស់ផ្ទះវៀតណាម និងក្រុម Young Elephants របស់ប្រទេសឡាវ។ សម្រាប់៣ប្រកួតរបស់ភ្នំពេញក្រោនប៉ះ Hougang United វេលាម៉ោង៩យប់ថ្ងៃទី២៤ ខែមិថុនា ប្រកួតទី២ប៉ះក្រុម Viettel វេលាម៉ោង៥ល្ងាច ថ្ងៃទី២៧ ខែមិថុនា និងប្រកួតទី៣ ប៉ះក្រុម Young Elephants វេលាម៉ោង៩យប់ថ្ងៃទី៣០ ខែមិថុនា។ ពូលនេះក្រុមលេខ១បានទៅវគ្គបន្ទាប់ ហើយលេខ២គឺមិនទាន់បានឡើងទៅជុំបន្ទាប់ទេ ព្រោះគេត្រូវគិតពិន្ទុយកលេខ២ដែលល្អទើបបានឡើងទៅ។

រូបភ្នំពេញក្រោន

កម្មវិធីប្រកួតរបស់ វិសាខា នឹងត្រូវប៉ះក្រុម Kaya ម៉ោង៤រសៀលថ្ងៃទី២៤ ខែមិថុនា ប្រកួតទី២ប៉ះក្រុម Kedah វេលាម៉ោង Bali វេលាម៉ោង៤រសៀលថ្ងៃទី២៧ ខែមិថុនា និងប្រកួតទី៣ ប៉ះក្រុម Kedah Darul Aman FC វេលាម៉ោង៨យប់ថ្ងៃទី៣០ខែមិថុនា។ សម្រាប់ពូលរបស់វិសាខានេះក្រុមលេខ១បានឡើងជុំបន្ទាប់ស្របពេលលេខ២ នឹងត្រូវប្រៀបធៀបជាមួយពូលផ្សេង ដើម្បីស្វែងរកលេខ២ទើបបានអាចឡើងទៅជុំបន្ទាប់បាន៕