ប្រធានក្លឹប Barcelona ជឿថាថ្ងៃណាមួយ Messi នឹងត្រលប់មកកាន់ Nou Camp វិញ
- 2022-07-25 03:27:32
- ចំនួនមតិ 0 | ចំនួនចែករំលែក 0
ប្រធានក្លឹប Barcelona ជឿថាថ្ងៃណាមួយ Messi នឹងត្រលប់មកកាន់ Nou Camp វិញ
ចន្លោះមិនឃើញ
ប្រធានក្លឹបរបស់ Barcelona លោក Joan Laporta ជឿជាក់ថា ខ្សែបម្រើប្រយុទ្ធ Lionel Messi អាចនឹងត្រលប់មកកាន់ក្លឹបចាស់វិញនៅពេលខាងមុខដ៏ខ្លី។
Messi វ័យ៣៤ឆ្នាំបានចាកចេញទៅកាន់ក្លឹប Paris Saint-Germain កាលពីរដូវក្ដៅមុន បន្ទាប់ពី Barca មិនអាចបន្តកុងត្រាថ្មីឲ្យរូបគេ។ កីឡាករសញ្ជាតិអាហ្សង់ទីនបានដើរចេញពីក្លឹបដែលធ្លាប់រួមរស់រយៈពេល២០ឆ្នាំទាំងទឹកភ្នែក ព្រោះតែគ្រប់យ៉ាងកើតឡើងដោយមិននឹកស្មានដល់។
Messi នៅសល់កុងត្រាមួយឆ្នាំទៀតជាមួយ PSG ហើយច្រកទ្វារសម្រាប់ការត្រលប់មកកាន់ Barca នៅតែមានសម្រាប់គេ។ ប្រធានក្លឹបរបស់ Barca លោក Laporta ទើបតែបង្ហើបកាលពីពេលថ្មីៗនេះថា ចង់ឃើញ Messi វិលមកវិញ និងមានអារម្មណ៍មិនសប្បាយចិត្តសោះដែលធ្វើកីឡាករចាកចេញ។
និយាយប្រាប់ ESPN លោក Laporta បញ្ជាក់ថា លោកជឿជាក់ពេលវេលារបស់ Messi នៅ Barcelona មិនទាន់ចប់ទេ។ ទ្វារនៅតែបើកសម្រាប់កីឡាករវ័យ៣៥ឆ្នាំ ហើយលោកនៅតែមានអារម្មណ៍ជំពាក់ Messi ដែលធ្វើឲ្យគេចាកចេញទៅកាន់ក្លឹបផ្សេង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
