អាថ៌កំបាំងថែរក្សាសម្រស់ដ៏សំខាន់ប្រចាំថ្ងៃរបស់ ព្រះមហាក្សត្រិយ៍ Elizabeth II
- 2022-09-12 02:54:27
- ចំនួនមតិ 0 | ចំនួនចែករំលែក 0
អាថ៌កំបាំងថែរក្សាសម្រស់ដ៏សំខាន់ប្រចាំថ្ងៃរបស់ ព្រះមហាក្សត្រិយ៍ Elizabeth II
ចន្លោះមិនឃើញ
ព្រះមហាក្សត្រិយ៍ Elizabeth II គឺជាក្សត្រីយានីដែលបានបំបែកកំណត់ត្រា ក្នុងការគ្រងរាជ្យរយៈពេលយូរបំផុតប្រចាំប្រវត្តិសាស្ត្រ គឺដល់ទៅ ៧០ឆ្នាំ និង ២១៤ថ្ងៃ (គិតត្រឹមថ្ងៃទ្រង់យាងសោយព្រះទិវង្គត)។ ទោះជាយ៉ាងណា ព្រះអង្គក៏ត្រូវបានគេកោតសរសើរមិនដាច់ពីមាត់ ពីសម្រស់ដ៏ស្រស់ស្អាត និងចែងចាំងជានិច្ច បើទោះជាទ្រង់មានព្រះជន្មច្រើនក៏ដោយ។
យោងតាមសៀវភៅចេញផ្សាយដែលមានឈ្មោះថា «Long Live the Queen,» របស់ Bryan Kozlowskim បានចែករំលែកនូវទម្លាប់នៃការថែរក្សាសុខភាព និងតិចនិកថែសម្រស់របស់ ព្រះមហាក្សត្រិយ៍ Elizabeth II ដោយបញ្ជាក់ខ្លីៗដូចតទៅ៖
១. ព្រះមហាក្សត្រិយ៍ តែង ហាត់ព្រះកាយ (ហាត់ប្រាណ) ស្ទើររាល់ថ្ងៃ ទ្រង់តែងយាងលឿនៗ (ដើរលឿន) ជាមួយនឹងសត្វសុនខចិញ្ចឹមជាច្រើនក្បាល របស់ទ្រង់។ ដោយឡែក ក៏នៅមានពេលខ្លះ ទ្រង់ជិះសេះដែរ។
២. ព្រះមហាក្សត្រិយ៍ តែងយកព្រះទ័យទុកដាក់ក្នុង ការផ្ទុំឲ្យបានដិតដល់ ពោលយ៉ាងតិច ៧ម៉ោងជារៀងរាល់ថ្ងៃ។ យោងតាមការសិក្សា ពីសាកលវិទ្យាល័យ University of Warwick បានឲ្យដឹងថា មនុស្សដែលបានទទួលទានដំណេក តិចជាង ៦ម៉ោង ក្នុងមួយថ្ងៃ នឹងប្រឈមទៅនឹងការស្លាប់មុនអាយុ ភាគរយខ្ពស់។
៣. ព្រះមហាក្សត្រិយ៍ តែងចៀសមិនឲ្យត្រូវកម្ដៅព្រះអាទិត្យទេ ដោយគេចពីពន្លឺនេះតាមដែលអាចធ្វើបាន រាប់ទសវត្សហើយ។ បើទ្រង់ចេញក្រៅ ភាគច្រើន គឺតែក្នុងអំឡុងពេល អាកាសធាតុត្រជាក់ ឬក្ដៅដោយមានសំណើម មិនមែនក្ដៅស្ងួតទេ។
៤. ព្រះមហាក្សត្រិយ៍ មិនតុបតែងព្រះភ័ក្ត្រដោយប្រើម្ស៉ៅក្រាស់ៗទេ គឺលាបបន្តិចបន្តួច ស្ទើរតែមើលមិនដឹងផង។ ចំណែក Cream លាបព្រះភ័ក្ត្រ ដែលទ្រង់ប្រើ មិនមានតម្លៃថ្លៃដូចមនុស្សទូទៅស្មានទេ។ Cream ទាំងនោះ គ្រាន់តែជា Cream ធម្មតា ដែលជួយស្បែកទ្រង់ ឲ្យមានសំណើមប៉ុណ្ណោះ។
៥. ការតមព្រះស្ងោយក៏ជាគន្លឹះសំខាន់ក្នុងការថែសម្រស់របស់ ព្រះមហាក្សត្រិយ៍ដែរ។ ទ្រង់សព្វព្រះទ័យ សោយអាហារបែបសាមញ្ញៗប៉ុណ្ណោះ ប៉ុន្តែចៀសវាងពីអាហារណាដែលមានជាតិស្ករច្រើន។
៦. ជារឿងភ្ញាក់ផ្អើលមួយទៀត ព្រះមហាក្សត្រិយ៍ សព្វព្រះទ័យសោយ ភេសជ្ជៈដែលមានជាតិអាល់កុល ៤ប្រភេទក្នុងមួយថ្ងៃ។ ថ្ងៃខ្លះទ្រង់សោយ Gin ឬ Wine ឬ Martinis ឬ Champagne (ស្រាសាំប៉ាញ) មុនពេលទ្រង់យាងចូលក្រឡាបន្ទំ។
ក្រៅពីទម្លាប់ខាងលើ ព្រះអង្គ ក៏សព្វព្រះទ័យក្នុងការចំណាយពេល អានព័ត៌មាន ឬសិក្សាពីនេះពីនោះ ដើម្បីបង្កើនចំណេះដោយខ្លួនទ្រង់ដែរ៕