ការប្រឡងជិតមកដល់ បង្ហាញជូនឃ្លាំងវិញ្ញាសារកំណែមុខវិជ្ជាមួយចំនួន សម្រាប់រៀនត្រៀម
- 2022-09-20 00:41:00
- ចំនួនមតិ 0 | ចំនួនចែករំលែក 0
ការប្រឡងជិតមកដល់ បង្ហាញជូនឃ្លាំងវិញ្ញាសារកំណែមុខវិជ្ជាមួយចំនួន សម្រាប់រៀនត្រៀម
ចន្លោះមិនឃើញ
គិតត្រឹមពេលនេះ មានពេលប្រមាណតែជាង ២ខែទៀតប៉ុណ្ណោះ ដែលសិស្សានុសិស្សត្រូវប្រឡងសញ្ញាប័ត្រទុតិយភូមិ ឬបាក់ឌុប។ វេលានេះ ជាវេលាដែលប្អូនត្រូវប្រឡង ត្រូវប្រឹងប្រែងមើលមេរៀន ឬធ្វើលំហាត់ ដែលទាមទារនូវសំណៅឯកសារជំនួយជាច្រើន។
ចំពោះបញ្ហានេះ ក្រសួងអប់រំយុវជន និងកីឡា ថ្មីៗនេះ ក៏បានដាក់ជាសាធារណៈនូវបណ្ដុំមេរៀន ក៏ដូចជាកំណែវិញ្ញាសារនៃមេរៀនមួយចំនួនជាបណ្ដើរ សម្រាប់ប្អូនៗប្រើប្រាស់ក្នុងការសិក្សាត្រៀមការប្រឡងដែលនឹងមកដល់នាពេលខាងមុខ។
គិតត្រឹមថ្ងៃទី ២០ កញ្ញា ២០២២នេះ ក្រសួងអប់រំបានដាក់ចេញនូវកំណែវិញ្ញាសារចំនួន ២មុខវិជ្ជាហើយ ក្នុងនោះមាន កំណែវិញ្ញាសាររូបវិទ្យា ដើម្បីចូលទៅទាញយកឯកសារមេរៀនសូមចុចលើតំណរនេះ។
កំណែវិញ្ញាសារមេរៀនទី២ គឺភាសាខ្មែរ ដើម្បីចូលទៅទាញយកឯកសារមេរៀនសូមចុចលើតំណរនេះ។ តាមការបញ្ជាក់របស់ក្រសួង កម្រងវិញ្ញាសា និងអត្រាកំណែ ទាំងពីរមុខខាងលើ បានប្រមូលចងក្រងនូវរាល់ វិញ្ញាសាមួយចំនួនរបស់ក្រសួងដែលធ្លាប់ចេញពីឆ្នាំ២០១៤ ដល់២០១៩ ទាំងថ្នាក់វិជ្ជាសាស្ត្រ សង្គមនិងថ្នាក់វិទ្យាសាស្ត្រ អមជាមួយនឹងអត្រាកំណែរស្រាប់។
សមាជិកក្រុមទាំងអស់គ្នា បានខិតខំប្រឹងប្រែង តស៊ូព្យាយាម អស់ពីកម្លាំងកាយចិត្ត ទាំងយប់ទាំងថ្ងៃ ក្នុងការចងក្រង និងស្វែងរកឯក សាររហូតមក ទើបអាចធ្វើឱ្យស្នាដៃមួយនេះ បានប្រសូតលេចចេញជារូបរាងឡើងមក ដើម្បី ទុកជាជំនួយបន្ថែមក្នុងការដឹកដៃសិស្សានុសិស្សឱ្យទទួលបានជោគជ័យនាពេលប្រលងខាងមុខ។
តាមកាលវិភាគថ្មី ការប្រឡងសញ្ញាប័ត្រទុតិយភូមិ នឹងប្រព្រឹត្តទៅថ្ងៃទី០៥ និងទី០៦ ខែធ្នូ ឆ្នាំ២០២២ខាងមុខនេះ៕