ក្លឹបអារ៉ាប៊ីសាអូឌីតនេះ ហ៊ានឲ្យ Ronaldo ២០០លានអ៊ឺរ៉ូក្នុងមួយឆ្នាំ

2022-12-06 10:31:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបអារ៉ាប៊ីសាអូឌីត Al-Nassr ហ៊ានចំណាយលើខ្សែប្រយុទ្ធ Cristiano Ronaldo រហូតទៅដល់ប្រមាណ ២០០លានអ៊ឺរ៉ូ ក្នុងមួយឆ្នាំ ប្រសិនបើកីឡាករនេះសម្រេចចិត្តទៅលេងឲ្យក្លឹបនេះ។ នេះបើយោងតាមការចុះផ្សាយរបស់ BBC ក្នុងថ្ងៃនេះ។

នៅក្នុងខណៈនេះ Ronaldo មិនមានក្លឹបណាលេងឡើយព្រោះកីឡាករនេះទើបបញ្ចប់កុងត្រាជាមួយនឹងក្លឹប Manchester United កាលពីខែមុន ក្រោយកីឡាករនេះបាននិយាយក្នុងកម្មវិធីសម្ភាសន៍មួយដោយបានធ្វើការរិះគន់ក្លឹបបិសាចក្រហមនេះចំៗតែម្ដង។

កីឡាករនេះក៏ធ្លាប់បានបញ្ជាក់ផងដែរថា កាលពីរដូវកាលក្ដៅកន្លងទៅនេះ មានក្លឹបអារ៉ាប៊ីសាអូឌីតមួយហ៊ានចំណាយលើគេរហូតទៅដល់៣០៥លានអ៊ឺរ៉ូ ឲ្យតែមក ប៉ុន្តែគេបដិសេធមិនទៅ ព្រោះពេលនោះគិតថានៅមានឱកាសនៅ Man Utd ។

ទោះជាព័ត៌មានថា ក្លឹបអារ៉ាប៊ីសាអូឌីត Al-Nassr ហ៊ានឲ្យ Ronaldo រហូតដល់២០០លានអ៊ឺរ៉ូក្នុងមួយឆ្នាំមែន ក៏ប៉ុន្តែប្រភពជិតស្និទ្ធិបញ្ជាក់ថា Ronaldo មិនទាន់គិតយ៉ាងម៉េចនឹងរឿងនេះទេ ដោយពេលនេះគឺគេផ្ដោតលើការប្រកួត World Cup ជួយក្រុមជម្រើសជាតិព័រទុយហ្គាល់សិន៕

ប្រភព៖ BBC ប្រែសម្រួល៖ ហ៊ីម រស្មី