Chelsea នាំចូល Felix មកពង្រឹងក្រុម ស្របពេលកីឡាកររបួសស្ទើរតែមួយតារាង

2023-01-12 11:09:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Chelsea បានចុះកុងត្រានាំចូលខ្សែប្រយុទ្ធព័រទុយហ្គាល់ Joao Felix ក្នុងលក្ខខណ្ឌខ្ចីជើង ដើម្បីមកពង្រឹងក្រុម ស្របពេលដែលក្លឹបកំពុងតែក្នុងសភាពដុនដាបនៅក្នុងតារាង Premier League ហើយកីឡាកររបស់ខ្លួនរងរបួសចំនួន ៨រូប។

Felix នឹងរួមរស់ជាមួយ Chelsea រហូតដល់ចប់រដូវកាល២០២២/២៣ ដោយ Chelsea ត្រូវបង់ឱ្យក្លឹប Atletico Mardid ក្បែរ១២លានដុល្លារអាមេរិក ហើយត្រូវចេញប្រាក់ខែឱ្យកីឡាករព័រទុយហ្គាល់រូបនេះទៀតផង។

បើយោងតាមការចុះផ្សាយរបស់ Sky Sports បានឱ្យដឹងថា ក្លឹបអង់គ្លេសមួយចំនួនទៀតដូចជា Manchester United និង Arsenal ក៏ប្រជែងគ្នាតាមយក Felix ដែរតែចុងបញ្ចប់ Chelsea ជាអ្នកឈ្នះ។

យ៉ាងណាមិញ Chelsea នៅពេលនេះកំពុងមានទម្រង់លេងមិនសូវល្អ ដោយក្លឹបនេះកំពុងតែឈរចំណាត់ថ្នាក់លេខ ១០ ហើយកីឡាករសំខាន់ៗដូចជា ខ្សែបម្រើការពារបារាំង N'golo Kante និងខ្សែប្រយុទ្ធអាមេរិក Christian Pulisic កំពុងតែរងរបួសទៅទៀត៕

ប្រភព៖ Sky Sports ប្រែសម្រួល៖ ហ៊ីម រស្មី