Chiellini៖ ខ្ញុំនឹងបិទ Suarez ឱ្យជាប់ដូច Ronaldo អីចឹង
- 2015-05-20 22:06:35
- ចំនួនមតិ 0 | ចំនួនចែករំលែក 0
Chiellini៖ ខ្ញុំនឹងបិទ Suarez ឱ្យជាប់ដូច Ronaldo អីចឹង
ចន្លោះមិនឃើញ
ខ្សែការពារ Giorgio Chiellini របស់ក្រុម Juventus បាននិយាយថាខ្លួនមិនខ្វាយខ្វល់ពីអតីតកាលដែល Luis Suarez ខាំនៅ World Cup ២០១៤ នោះទេ ពោលគឺការប្រកួតវគ្គផ្ដាច់ UEFA Champions League ខែក្រោយនេះ លោកនឹងព្យាយាមឱ្យអស់ពីសមត្ថភាពដើម្បីបិទខ្សែប្រយុទ្ធជម្រើសជាតិអ៊ុយរុយហ្គាយ ដូចដែលបានធ្វើជាមួយ Cristiano Ronaldo ដែរ។
វគ្គផ្ដាច់ព្រ័ត្រ UEFA Champions League រវាងក្រុម Juventus និង Barcelona នឹងធ្វើឡើងនៅថ្ងៃទី៦ ខែមិថុនាខាងមុខនេះ ខណៈការប្រកួតនេះមានកីឡាករ៣រូបត្រូវបានគេចាប់អារម្មណ៍ជាងគេ គឺ Saurez , Chiellini និង Patrice Evra ។ ហេតុដែលធ្វើឱ្យគេចាប់អារម្មណ៍ចំពោះ៣នាក់នេះគឺដោយសារតែខ្សែប្រយុទ្ធក្រុម Barcelona ធ្លាប់មានរឿងអាស្រូវជាមួយខ្សែការពារទាំង២ ពោលគឺខាំ Chiellini នៅព្រឹត្តិការណ៍ FIFA World Cup 2014 និងមានរឿងប្រឆាំងពូជសាសន៍ និងមិនចាំដៃគ្នាជាមួយ Evra ពេលលេងក្រុមក្រុមចាស់រៀងខ្លួន គឺ Liverpool និង Manchester United។
ទោះជាយ៉ាងនេះក្ដី ខ្សែការពារ Chiellini បានបញ្ជាក់ពីអារម្មណ៍របស់ខ្លួនថា៖ "មានមនុស្សជាច្រើនបានសួរខ្ញុំពីរឿង Saurez ។ ខ្ញុំសូមប្រាប់ថា ខ្ញុំគ្មានបញ្ហាអីជាមួយគេទេ។ ហើយការប្រកួតខាងមុខ ខ្ញុំនឹងព្យាយាមយ៉ាងណាបិទគេឱ្យជាប់ដូចដែលបានធ្វើដាក់ Ronaldo , Benzema និង Bale អីចឹង”។
ងាកទៅខាងអតីតកីឡាករ Man Utd វិញក៏ធ្លាប់បាននិយាយរួចហើយដែរថា រូបគេនឹងចាប់ដៃជាមួយអតីតខ្សែប្រយុទ្ធ Liverpool វិញក្នុងការប្រកួតវគ្គផ្ដាច់ព្រ័ត្រ Champions League ខាងមុខនេះ៕
ចុចអាន៖ល្បីថា Klopp នឹងដឹកនាំ Real Madrid ជំនួស Ancelotti រដូវកាលក្រោយ
ប្រែសម្រួល៖ មុន្នី រម្យ ប្រភព៖ goal