ជយលាភីសង្គ្រាមរូបិយប័ណ្ណឃើញឱកាសក្លាយជាអ្នកមានពីការរកស៊ីជំនួញរូបិយប័ណ្ណ
- 2015-10-30 21:33:59
- ចំនួនមតិ 0 | ចំនួនចែករំលែក 0
ជយលាភីសង្គ្រាមរូបិយប័ណ្ណឃើញឱកាសក្លាយជាអ្នកមានពីការរកស៊ីជំនួញរូបិយប័ណ្ណ
ចន្លោះមិនឃើញ
ក្រុម Delta បានក្លាយជាក្រុមដែលទទួលបានផលចំណេញច្រើនជាងគេនិងជាជយលាភីសម្រាប់កម្មវិធីប្រកួតសង្គ្រាមរូបិយប័ណ្ណ Currency World War បន្ទាប់ពីចំណាយពេលជាង ៦ ម៉ោងក្រោមសំឡេងហ៊ោកញ្ជ្រៀវនិងបរិយាកាសអមដោយតន្រ្តីយ៉ាងរំភើប។
សង្គ្រាមរូបិយប័ណ្ណជាកម្មវិធីប្រកួតហ្គេមកម្សាន្តមួយ ប៉ុន្តែហ្គេមនេះបានផ្តល់ចំណេះដឹងនិងបទពិសោធន៍ដល់អ្នកចូលរួមអាចស្វែងយល់ពីការធ្វើជំនួញរូបិយប័ណ្ណដែលជាជំនួញដែលអ្នកមានៗលើពិភពលោកពេញនិយមរកស៊ីបំផុត។
លោក សី សេត ប្រធានក្រុម Delta មានក្តីរីករាយដែលក្រុមរបស់លោកបានក្លាយជយលាភីការប្រកួតប្រជែងនេះ។ លោកដែលមានបទពិសោធន៍លើការធ្វើជំនួញជាច្រើនប្រាប់ថា ការចូលរួមប្រកួតនេះផ្តល់បទពិសោធន៍ជាច្រើន សម្រាប់លោកស្វែងយល់ពីការធ្វើជំនួញរូបិយប័ណ្ណ។
លោកបន្តថា ជំនួញរូបិយប័ណ្ណជាជំនួញមួយថ្មីសម្រាប់ប្រទេសកម្ពុជា ប៉ុន្តែជាជំនួញដែលគេពេញនិយមបំផុតនៅប្រទេសជឿនលឿន។ លោកគិតថា នេះជាពេលវេលាសមស្របដែលពលរដ្ឋកម្ពុជាចាប់ឱកាសក្នុងការស្វែងយល់និងរកស៊ីជំនួញមួយនេះ។
ការប្រកួតសង្គ្រាមរូបិយប័ណ្ណរៀបចំឡើងដោយក្រុមហ៊ុន GFX ជាក្រុមហ៊ុនពាណិជ្ជកម្ម ដែលផ្ដោតទៅលើសេវាពិគ្រោះយោបល់ផ្នែកហិរញ្ញវត្ថុនិងពាណិជ្ជកម្ម។ នេះជាលើកដំបូងដែលក្រុមហ៊ុន GFX រៀបចំការប្រកួតសង្គ្រាមរូបិយប័ណ្ណ Currency World War សម្រាប់ប្រទេសកម្ពុជាដែលមានក្រុមចំនួន ៤ និងសមាជិកជាង ២០០ នាក់បានចូលរួមប្រកួតប្រជែងល្បែងកម្សាន្តអាជីវកម្មនេះ។
ឆ្លងកាត់ការប្រកួតយ៉ាងរីករាយនិងរំភើបជាង ៦ ម៉ោង ក៏រកឃើញអ្នកដែលឈ្នះជយលាភីផ្សេងៗពីល្បែងអាជីវកម្មថ្មីមួយនេះដែលមានដូចជា៖
សម្រាប់វីដេអូនិងរូបស្អាតៗពីកម្មវិធីប្រកួតប្រជែងនេះ Sabay នឹងផ្សាយជូននៅពេលបន្តិចទៀតនេះ៕
អត្ថបទ៖ ប៊ុណ្ណារ៉ា វីដេអូ៖ LEE
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
