សង្គ្រាមរូបិយប័ណ្ណប្រកួតក្តៅគគុក អ្នកចូលរួមមិនចោលហ៊ោសប្បាយរាំតាមចង្វាក់ភ្លេងដ៏រំភើប
- 2015-10-30 22:55:11
- ចំនួនមតិ 0 | ចំនួនចែករំលែក 0
សង្គ្រាមរូបិយប័ណ្ណប្រកួតក្តៅគគុក អ្នកចូលរួមមិនចោលហ៊ោសប្បាយរាំតាមចង្វាក់ភ្លេងដ៏រំភើប
ចន្លោះមិនឃើញ
ហ្គេមកម្សាន្តសង្គ្រាមរូបិយប័ណ្ណ Currency World War បានរកឃើញជយលាភីកាលពីម្សិលមិញសម្រាប់ការប្រកួតប្រជែងដែលចំណាយពេលជាង ៦ ម៉ោង ក្រោមបរិយាកាសដ៏រីករាយនិងហ៊ោកញ្ជ្រៀវពីអ្នកចូលរួមយ៉ាងកកកុញ។
បរិយាកាសប្រកួតប្រជែងបានបង្កប់ស្ថានភាពដ៏តឹងតែងអារម្មណ៍សម្រាប់ក្រុមនីមួយៗដែលត្រូវស្វែងរកលទ្ធផលដ៏ល្អ ប៉ុន្តែពួកគេក៏មិនចោលការកម្សាន្តសប្បាយក្នុងបរិយាកាសកន្លែងប្រកួតមានការចាក់តន្រ្តីកំដរ និងការលេងល្បែងកម្សាន្តផ្សេងៗដែលធ្វើឲ្យចូលរួមលេងកម្សាន្តនិងរាំសប្បាយស្រែកហ៊ោតាមចង្វាក់ភ្លេងដ៏រំភើបញាប់ញ័រ។
ការប្រកួតសង្គ្រាមរូបិយប័ណ្ណរៀបចំឡើងដោយក្រុមហ៊ុន GFX ជាក្រុមហ៊ុនពាណិជ្ជកម្ម ដែលផ្ដោតទៅលើសេវាពិគ្រោះយោបល់ផ្នែកហិរញ្ញវត្ថុនិងពាណិជ្ជកម្ម។ នេះជាលើកដំបូងដែលក្រុមហ៊ុន GFX រៀបចំការប្រកួតសង្គ្រាមរូបិយប័ណ្ណ Currency World War សម្រាប់ប្រទេសកម្ពុជា ដែលបានផ្តល់ចំណេះដឹងនិងបទពិសោធន៍ដល់អ្នកចូលរួមអាចស្វែងយល់ពីការធ្វើជំនួញរូបិយប័ណ្ណដែលជាជំនួញដែលអ្នកមានៗលើពិភពលោកពេញនិយមរកស៊ីបំផុត។
អត្ថបទ៖ ប៊ុណ្ណារ៉ា