មហោស្រពភាពយន្តអន្តរជាតិកម្ពុជា ឆ្នាំនេះ បញ្ចាំងភាពយន្តជប៉ុនល្បីៗអ្វីខ្លះ?
- 2015-11-30 18:29:11
- ចំនួនមតិ 0 | ចំនួនចែករំលែក 0
មហោស្រពភាពយន្តអន្តរជាតិកម្ពុជា ឆ្នាំនេះ បញ្ចាំងភាពយន្តជប៉ុនល្បីៗអ្វីខ្លះ?
ចន្លោះមិនឃើញ
ភាពយន្តជប៉ុនខ្នាតវែងចំនួន៥ចំណងជើង និងកម្រងខ្សែភាពយន្តគំនូរជីវចលខ្លីៗ ត្រូវបានជ្រើសរើសជាពិសេសសម្រាប់ការចាក់បញ្ចាំងនៅក្នុងមហោស្រពភាពយន្តអន្តរជាតិលើកទី ៦។
ដំណើររឿងនីមួយៗសុទ្ធសឹងតែថ្មីប្លែក និងពោរពេញដោយភាពរំជើបរំជួល ដូចជាខ្សែជីវិតនារីជប៉ុនដ៏ទាន់សម័យ និងឈ្លក់វង្វេងម្នាក់ «ព្រះចន្ទស្រអាប់» ។ រឿងរ៉ាវស្នេហាអស់សង្ឃឹមនៅកំពង់ផែក្នុងទីក្រុងដ៏គួរឱ្យធុញថប់មួយ «ពន្លឺភ្លឺនៅតែទីនោះ» ។ បទពិសោធន៍ជីវិតដ៏លំបាកនៅក្នុងសង្គ្រាមលោកលើកទីពីរ «រីករាយថ្ងៃបុណ្យណូអែលលោកឡូរ៉ែន» ។ ការថតឡើងវិញនូវភាពយន្តចាស់របស់ជប៉ុនដែលប្រជាជនខ្មែរនិយមចូលចិត្តនាអំឡុងឆ្នាំ១៩៦០ «អ្នកគុណដាវពិការភ្នែក ហ្សាតូអ៊ីជិ» គំនូរជីវចលបែបជឿនលឿន «ប្រព័ន្ធវាស់ស្ទង់ផ្លូវចិត្ត» និង ភាពយន្តគំនូរជីវចលស្តីពីជីវិតអាយ៉ងរបស់លោក គីហាជីរ៉ូ កាវ៉ាម៉ូតុ។
ខាងក្រោមនេះគឺជាឈុតឆាកខ្លីៗនៃខ្សែភាពយន្តជប៉ុន តោះទស្សនាទាំងអស់គ្នា!
សូមកុំភ្លេចរង់ចាំទស្សនាភាពយន្តទាំងនេះនៅក្នុងកម្មវិធីមហោស្រពភាពយន្តអន្តរជាតិកម្ពុជា លើកទី៦ ដែលនឹងប្រារព្ធធ្វើឡើងចាប់ពីថ្ងៃទី៤ ដល់ថ្ងៃទី១០ ខែធ្នូ ឆ្នាំ២០១៥ នៅតាមរោងភាពយន្តនានាក្នុងរាជធានីភ្នំពេញ។សម្រាប់ព័ត៌មានបន្ថែមសូមចូលទៅកាន់គេហទំព័រ http://cambodia-iff.com។
គួរបញ្ជាក់ផងដែរថាកម្មវិធីពិសេសស្ដីពីភាពយន្តជប៉ុននេះ គឺរៀបចំឡើងក្នុងកិច្ចសហការជាមួយនឹងមជ្ឈមណ្ឌលអាស៊ី (ដោយមូលនិធិជប៉ុន) និងឧបត្ថម្ភគាំទ្រដោយស្ថានទូតជប៉ុនប្រចាំនៅកម្ពុជា៕