មហោស្រពខ្សែភាពយន្តយុវជនបង្ហាញពីអនាគតការផលិតកុនខ្មែរ

2016-05-13 21:13:03
ចំនួនមតិ 0 | ចំនួនចែករំលែក 0

ចន្លោះមិនឃើញ

មហោស្រពខ្សែភាពយន្តយុវជនភ្នំពេញ (Phnom Penh Youth Film Festival) បានបង្ហាញជាលើកដំបូងបង្អស់នៅឯសាលាអន្តរជាតិភ្នំពេញ Black Box Theatre កាលពីថ្ងៃសៅរ៍ ទី២៦-មីនា កន្លងទៅនេះ។ ខ្សែភាពយន្តខ្លីៗចំនួន២៤ដែលត្រូវបានបង្កើតឡើងដោយកុមារដែលមានអាយុ១៨ឆ្នាំចុះក្រោម នៅកម្ពុជា បានចាក់បញ្ចាំងឲ្យអ្នកទស្សនាជាង ៣០០ នាក់ ជាមួយនឹងការបញ្ចាំងរបស់ Black Box ជាលក្ខណៈពិភពលោក និងអាចឮសំឡេងចេញមកយ៉ាងច្បាស់ល្អចេញពីគ្រប់ទិស។ ខ្សែភាពយន្តខ្លីៗជាងពាក់កណ្ដាលបានបង្កើតឡើងដោយកុមារកម្ពុជាដែលមកពីសាលារដ្ឋ និងសាលាអន្តរជាតិ។

"ពួកយើងកំពុងបណ្ដុះគ្រាប់ធញ្ញជាតិទាំងនេះ ដើម្បីឲ្យរីកដុះដាលទៅជាអនាគតនៃការបង្កើតខ្សែភាពយន្តមានគុណភាព"។ លោក Richard Raymond Harry Herbeck ជាម្ចាស់កម្មវិធី ជាផលិតករមកពី Hollywood និងជាគ្រូបង្រៀនសិល្បៈច្នៃប្រឌិតនៅសាលាអន្តរជាតិឡៃហ្គ័រ ថ្លែងបែបនេះ។

"សិស្សទាំងនេះ បានសិក្សាពីរបៀបធ្វើការជាក្រុម ការរៀបរាប់ពីរឿងរ៉ាវអ្វីមួយ ទទួលបានបច្ចេកទេសថ្មីៗពីបច្ចេកវិទ្យាផ្សេងៗ និងសរុបមកវិញគឺពួកគេមានការសប្បាយច្រើន"។

ម៉ាយ៉ា អ្នកទស្សនាក្នុងព្រឹត្តិការណ៍នេះ បានប្រាប់ថា រឿងទាក់ទងនឹងបាល់ទាត់ វេទមន្ត រ៉ូមែនទិក ពោរពេញដោយភាពសប្បាយៗ ខណៈដែលរឿងខ្មោចវិញ ធ្វើឲ្យមើលភ័យស្ទើរលស់ព្រលឹង។

លោក សុធា ឈិន ផលិតករខ្មែរ ដែលជាម្ចាស់របស់ 'Ed Chay' បានឈ្នះពានរង្វាន់មួយដោយមានការគាំទ្រច្រើនពីសំណាក់ទស្សនិកជនទៅលើខ្សែភាពយន្តដែលប្រកបដោយកិត្យានុភាពកម្មវិធីTropFest ឆ្នាំ២០១៥ បានថ្លែងថា "ខ្ញុំពិតមានកិត្តិយសដែលបានចែករំលែកបទពិសោធន៍ជាមួយនឹងកុមារទាំងអស់នេះ។ ខ្ញុំជឿជាក់ថា មហោស្រពខ្សែភាពយន្តយុវជនភ្នំពេញនឹងនាំមកនូវមូលដ្ឋានដ៏រឹងមាំក្នុងការបង្កើតខ្សែភាពយន្តនៅកម្ពុជា"។

ភាពយន្តនីមួយៗត្រូវបានជ្រើសឡើងដោយគណៈកម្មការជាវិចិត្រករជនជាតិខ្មែរ និងបរទេសដែលបានបោះឆ្នោតទៅលើ៧ផ្នែកសំខាន់ៗ។ កុមារខ្មែរទទួលបានពានធ្វើឡើងពីម៉ាស៊ីន 3D ទៅលើផ្នែក ដឹកនាំរឿងបានល្អ Best Documentary ការកាត់តបានល្អ និងការសម្តែងបានល្អ។ សិស្សសាលាអន្តរជាតិភ្នំពេញ Courtenay McLeod បានទទួលរង្វាន់ទៅលើការថតរូបបានច្បាស់ល្អលើខ្សែភាពយន្តដែលជាលក្ខណៈកំណាព្យ និងមានរូបភាពដ៏ល្អរបស់នាង គឺរឿង Twisted Tunes។

ទស្សនារឿង "ផ្ទះខ្មោចលង" នៅខាងក្រោមនេះ ឬចូលទៅ PPYFF.org ដើម្បីទស្សនារឿងខ្សែភាពយន្តផ្សេងៗទៀត៕