Dongho ចូលសិល្បៈវិញដើម្បីរកលុយទិញទឹកដោះគោនិងកន្ទបកូន
- 2016-07-15 16:16:59
- ចំនួនមតិ 0 | ចំនួនចែករំលែក 0
Dongho ចូលសិល្បៈវិញដើម្បីរកលុយទិញទឹកដោះគោនិងកន្ទបកូន
ចន្លោះមិនឃើញ
ត្បិតតែនាពេលកន្លងទៅ Dongho អតីតសមាជិកក្រុម U-KISS បានប្រកាសឈប់ពីសិល្បៈ ប៉ុន្តែថ្មីៗនេះគេបានប្រកាសត្រលប់មកចូលលើវិថីសិល្បៈវិញហើយ ដោយចង់រកលុយទិញទឹកដោះគោនិងកន្ទបឲ្យកូន។
កាលពីថ្ងៃទី ១៣ ខែ មិថុនា តារាវ័យ២២ឆ្នាំបានចូលរួមក្នុងកម្មវិធី Radio Star របស់ទូរទស្សន៍ MBC ដែលជាកន្លែងដែលគេបកស្រាយការផ្លាស់ប្ដូរជីវិតក្នុងការរៀបការ ការទទួលបានកូនប្រុសដំបូងនិងការវិលចូលសិល្បៈវិញ។ Dongho ធ្លាប់ធ្វើឲ្យអ្នកគាំទ្រភ្ញាក់ផ្អើល កំឡុងពេលប្រកាសគម្រោងរៀបការនិងព័ត៌មានប្រពន្ធមានផ្ទៃពោះ ដែលធ្វើឲ្យតារាដែលដើរចេញពីក្រុម U-KISS ក្នុងឆ្នាំ២០១៣នេះ ក្លាយជាតារាដែលក្មេងជាងគេឆាប់រៀបការនិងមានកូន។
យ៉ាងណាក្ដី ក្នុងកម្មវិធី Radio Star Donghoបានប្រកាសថានឹងត្រលប់មកសិល្បៈវិញ ដោយផ្ដល់ហេតុផលដ៏គួរឲ្យអស់សំណើចមួយថា៖"ទឹកដោះគោនិងកន្ទបកូនមិនមែនថោកទេ...ខ្ញុំចង់ត្រលប់មកវិញដើម្បីរកលុយទិញវា"។ តាមការបញ្ជាក់ Dongho អាចនឹងមកសិល្បៈធ្វើជា DJ៕
ចុចអាន៖Dongho អតីតសមាជិក U-Kiss បង្ហាញកម្រងរូបភាពកូនប្រុសលើកដំបូង ប្រែសម្រូល៖ ហេង សុធារិទ្ធិ ប្រភព៖ koreaboo
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
