ថៃ រិទ្ធី បានចេញដំណើរទៅវាយនៅថៃ ល្ងាចមិញនេះហើយ
- 2016-09-09 00:04:14
- ចំនួនមតិ 0 | ចំនួនចែករំលែក 0
ថៃ រិទ្ធី បានចេញដំណើរទៅវាយនៅថៃ ល្ងាចមិញនេះហើយ
ចន្លោះមិនឃើញ
អ្នកលេងគុនខ្មែរ និងប្រដាល់ក្បាច់គុនចម្រុះក្នុងទ្រុង(MMA) ថៃ រិទ្ធី បានចេញដំណើរទៅប្រកួតក្នុងព្រឹត្តិការណ៍ Full Metal Dojo Pressents ហើយកាលពីល្ងាចមិញនេះ ដោយការប្រកួតធ្វើឡើងនៅប្រទេសថៃនាថ្ងៃសៅរ៍ទី១០ ខែកញ្ញាឆ្នាំ២០១៦ខាងមុខ។
លោក ហ៊ុន ច័ន្ទរាជ គ្រូបង្វឹកក្លឹប Cambodian Top Team និងជាគ្រូបង្វឹករបស់ ថៃ រិទ្ធី ផ្ទាល់បានឲ្យដឹងថាកូនក្រុមរបស់ខ្លួននឹងត្រូវប្រឈមជាមួយអ្នកលេងក្បាច់ចម្រុះមកពីប្រទេសហ្វីលីពីន Righ Ard Cormmial ក្នុងប្រភេទទម្ងន់៦៥គីឡូក្រាម។ គ្រូបង្វឹករូបនេះបន្ដថាកីឡាករហ្វីលីពីនរូបនេះពូកែគ្រប់ក្បាច់ទាំងអស់ ទាំងស្នៀតផ្នែកក្រោម និងក្បាច់គុនសេរីជាដើម ព្រមទាំងធ្លាប់ហ្វឹកហាត់នៅក្នុងប្រទេសថៃ ហ្វីលីពីន និង ម៉ាឡេស៊ីផងដែរ។
ស្ថិតិប្រកួតក្នុងទ្រុងលំដាប់អន្តរជាតិ ថៃ រិទ្ធី ចូលរួមបាន៨លើកក្នុងនោះឈ្នះ៧ និង ចាញ់១ដង។ ប្រកួតក្នុងទ្រុងលើកចុងក្រោយរបស់ ថៃ រិទ្ធីគឺនៅទឹកដីប្រទេសថៃឈ្នះកីឡាករថៃ Veerayuth Uttapan នៅទឹកទី១ ក្នុងព្រឹត្តិការណ៍ Full Metal Dojo ១០៕
អត្ថបទ៖ មុន្នី រម្យ