ថៃ រិទ្ធី ថា ត្រូវវ៉ៃឲ្យអស់សមត្ថភាពទោះប្រាក់រង្វាន់តិច នៅបុណ្យសមុទ្រ
- 2016-12-24 08:01:52
- ចំនួនមតិ 0 | ចំនួនចែករំលែក 0
ថៃ រិទ្ធី ថា ត្រូវវ៉ៃឲ្យអស់សមត្ថភាពទោះប្រាក់រង្វាន់តិច នៅបុណ្យសមុទ្រ
ចន្លោះមិនឃើញ
អ្នកលេងគុនចម្រុះ ថៃ រិទ្ធី អះអាងពីគោលជំហររបស់ខ្លួនថា ត្រូវវ៉ៃឲ្យអស់សមត្ថភាពទោះប្រាក់រង្វាន់តិចក្នុងការប្រកួត MMA នៅបុណ្យសមុទ្រនៅខេត្តព្រះសីហនុនាថ្ងៃទី២៤ ខែធ្នូ ឆ្នាំ២០១៦ នេះ។
សិស្សរបស់ក្លឹប Cambodian Top Team រូបនេះបានឲ្យដឹងថា រូបគេត្រូវវ៉ៃឲ្យអស់សមត្ថភាព ដើម្បីកំដរអារម្មណ៍ប្រជាពលរដ្ឋនៅបុណ្យសមុទ្រនេះ។ សម្រាប់ប្រាក់រង្វាន់ទោះតិចក៏ដោយក៏ត្រូវទុកមួយឡែកសិនដែរ ប្រសិនបើឡើងសង្វៀនហើយ គឺជាសត្រូវ។
អ្នកលេងគុនចម្រុះមិនតិចជាង ៤០ ដងរូបនេះបន្ថែមថា ក្នុងព្រឹត្តិការណ៍នេះជាលើកទីមួយរបស់គេ ហើយក៏សង្ឃឹមថា នឹងទទួលបានកាគាំទ្រពីសំណាក់ប្រជាពលរដ្ឋនៅតាមខេត្តព្រះសីហនុបានច្រើនផងដែរ។
ព្រឹត្តិការណ៍បុណ្យសមុទ្រឆ្នាំ២០១៦ នេះមាន ៩ ប្រភេទកីឡាដែលគណៈកម្មាធិការជាតិអូឡាំពិកកម្ពុជាជ្រើសរើសយកមកប្រកួតប្រជែង៕
សកម្មភាពប្រកួត MMA នៅបុណ្យសមុទ្រ