ក្រុមហ៊ុន Major Cineplex by Cellcard បាន​​រក​​ឃើញ​​ម្ចាស់​​រង្វាន់​​ធំ គឺ រថយន្ត BMW X3 សេរី​​ទំនើប​​ហើយ​​ក្នុង​​កម្មវិធីផ្តល់​រង្វាន់​ទៅ​ដល់​អតិថិជនរបស់​ខ្លួន​ នៅផ្សារទំនើបអ៉ី​អន​ម៉ល​ កាលពីល្ងាចថ្ងៃ សៅរ៍ ទី ៤ កុម្ភៈនេះ ។

បន្ទាប់​ពី​រង្វាន់​ដ៏​ធំ​នេះ ក៏​មាន​រង្វាន់​ធំ​ៗ​ផ្សេង​ទៀត​ដែល​មាន​ដូច​ជា ទូរទស្សន៍​អេក្រង់​ធំ​ទំហំ 55 អ៊ីញ​របស់​ក្រុមហ៊ុន Sony,  គណនី​បញ្ញើ 800 $ ពី​ធនាគារ Hong Leong Bank, ទូរសព្ទ័ iPhone7 ដែល​ឧបត្ថម្ភ​ដោយ​ក្រុមហ៊ុន Coca-Cola, ទូរស័ព្ទ Samsung Galaxy S7ពី Cellcard, ស្រាបៀរអង្គរដែលមានតម្លៃ ២០០ ដុល្លារ ពី​ក្រុមហ៊ុន​ខេមប្រ៊ូ, ការ​ទស្សនា​ភាព​យន្ត 4DX ដោយ​ឥត​គិត​ថ្លៃ​រយៈ​ពេល​មួយ​ឆ្នាំ ពី Major Cineplex by Cellcard និង ការ​ផ្ដល់​ជូន​ប្រេង​ម៉ាស៊ីន ១ ឆ្នាំ​​ដោយ​ឥត​គិត​ថ្លៃ ពី​ក្រុម​ហ៊ុន Yamaha ។  

ការ​​ប្រកួត​​ប្រជែង​ដើម្បី​ឈ្នះ​រង្វាន់​ធំ​នេះ មាន​លក្ខណៈខុសគ្នាពីការចាប់ឆ្នោតរង្វាន់ធម្មតា ដោយក្នុងនោះក្រុមហ៊ុន Major Cineplex by Cellcard បានចាប់ឆ្នោតជ្រើសយកអតិថិជន ដែលមានសំណាងចំនួន ៤៦ នាក់ក្នុងចំណោមអតិថិជនរាប់ពាន់អ្នក ដើម្បីចូលរួមក្នុង​ការប្រកួតដ៏អស្ចារ្យនេះ ។ បន្ថែមពីនេះទៅទៀតក៍មានការចូលរួមពីតារាខ្មែរ២រូប គឺកញ្ញា ព្រីម លីហ្សា និងលោក រ៉ូលីន ។

ការប្រកួតត្រូវបានបែងចែកជា ១២ ក្រុម ហើយក្នុងមួយក្រុមៗមានសមាជិកចំនួន ៤ នាក់ផងដែរ ។ ចំពោះ ២ ក្រុមដែលបាន​បញ្ចប់ វិញ្ញាសារទាំង ៤ ដំបូងគេ​នឹងបាន​​ឈានទៅដល់ការប្រកួតវគ្គផ្តាច់ព្រ័ត្រ ៨ នាក់​ចុង​ក្រោយ ដែលតម្រូវឲ្យនាក់ទាំង ៨ ឆ្លើយ​សំណួ​រទាក់ទងនឹង ខ្សែភាពយន្ត និងចំណេះ​ដឹងមួយ ចំនួនទាក់ទងនឹង​រោងភាពយន្ត។

ក្នុង​អំឡុងពេល​នៃការប្រកួតវគ្គផ្តាច់ព្រ័ត្រនោះ ក៏មានវត្តមានរបស់តារាថៃ លោក Kunatip Pinpradab ដែល​បានគេស្គាល់ថាជាលោក Nick នឹងមកសម្តែងជាពិសេស សម្រាប់​ទស្សនិកជនផងដែរ ។ អ្នក​ឈ្នះចុងក្រោយនៃរង្វាន់ធំ មានឈ្មោះ ឌុក​ ម៉ូនីកា ការ​ចាប់​ឆ្នោតផ្សងសំណាងនេះបានចាប់ផ្តើមតាំងពីខែសីហា ឆ្នាំ ២០១៦ ហើយបានផ្ដល់ រង្វាន់ប្រចាំសប្តាហ៍អស់រយៈពេលជាង ២០ សប្តាហ៍​​រួចមកហើយ ដែលរួមមាន​រង្វាន់ ម៉ូតូ Yamaha, ទូរស័ព្ទដៃ, ទូរទស្សន៍, ម៉ាស៊ីនថត, កង់ BMW, គណនីបញ្ញើ​ភ្ទាប់​ជាមួ​យទឹកប្រាក់ ពីធនាគារ Hong Leong Bank និងរង្វាន់ធំ រថយន្ត BMW X3 ។

ក្រុមហ៊ុន Major Cineplex by Cellcard ដែល​មានទីតាំងស្ថិតនៅ ផ្សារទំនើប​អ៉ី​អន​ម៉ល​ភ្នំពេញ​ជាន់ទី 2 គឺ​ជារោងភាពយន្តតែមួយគត់នៅក្នុងប្រទេសកម្ពុជា​ដែ​លផ្តល់​នូវ​បទ​ពិសោធន៏ ភាពយន្ត 4DX ដែលជាបច្ចេកវិទ្យាភាពយន្តដ៏អស្ចារ្យ ដែលធ្វើឲ្យទស្សនិកជនទទួលបាននូវបទពិសោធដែលមិនធ្លាប់បានជួប ខណៈ​ពេល​មើលភាព​យន្ត។ លើសពីនេះទៅទៀត Major Cineplex by Cellcard គឺជារោងភាពយន្តតែមួយគត់ ដែលមានកន្លែងអង្គុយវីអាយភី បំពាក់ទៅដោយឧបករណ៏ទំនើបៗជាមួយ កៅអីស្បែក និង​កន្លែងទទួលភ្ញៀវ ជាលក្ខណៈ​វីអាយភី​ផងដែរ។