កម្មវិធីទូរសព្ទនេះ ផ្លាស់ប្តូរជីវិតបុរសម្នាក់ទាំងស្រុង មិនឲ្យ...ដូចមុន
- 2017-06-20 03:09:04
- ចំនួនមតិ 0 | ចំនួនចែករំលែក 0
កម្មវិធីទូរសព្ទនេះ ផ្លាស់ប្តូរជីវិតបុរសម្នាក់ទាំងស្រុង មិនឲ្យ...ដូចមុន
ចន្លោះមិនឃើញ
«ពីមុនត្រូវចាយពេលរាប់ម៉ោង ខ្លះដាច់អស់មួយព្រឹក គ្រាន់ទៅបង់ថ្លៃទឹក ភ្លើង អ៊ីនធឺណែត ខ្សែកាប និងបង់ថ្លៃសាលារៀនកូន... តែបន្ទាប់ពីប្តូរមកបង់តាមកម្មវិធីធនាគារ ABA Mobile ឥឡូវខ្ញុំមានពេលវេលាគ្រប់គ្រាន់ទៅបង្រៀនគួរដើម្បីរកចំណូលបន្ថែមបានច្រើនទៀត»។ នេះជាការលើកឡើងរបស់បុរសវ័យ ៣២ ជាគ្រូបង្រៀនបកប្រែភាសាអង់គ្លេសម្នាក់ និងជាមេគ្រួសារដែលមានកូនស្រីវ័យ៤ឆ្នាំ ក្នុងបន្ទុកផងនោះ ឈ្មោះ ចាន់ រ៉ា។
លោក ចាន់រ៉ា បានរំលឹកឲ្យដឹងពីការលំបាកកាលពីមុនថា ដោយសារមានការងារពេញម៉ោងផង និង បង្រៀនក្រៅម៉ោងផង ដូច្នេះខ្លួនពិតជារវល់ខ្លាំងណាស់រហូតដកឃ្លាមិនរួច ដែលជាញឹកញាប់ផ្ទះលោកត្រូវគេផ្តាច់ភ្លើង ផ្តាច់ទឹក ឬខ្សែកាបទូរទស្សន៍ ដោយសារភ្លេចទៅបង់ថ្លៃសេវាគេ ។
ក្រោយពីមើលឃើញការផ្សព្វផ្សាយ និងតាមការសាកសួរតគ្នាពីមិត្តភ័ក្ត លោកក៏បានសម្រេចងាកមកប្រើសេវាធនាគារដើម្បីបង់ថ្លៃប្រើប្រាស់ទាំងអស់នេះវិញ៖ «ខ្ញុំសម្រេចចិត្តប្រើសេវាធនាគារ ABA ព្រោះវាមានលក្ខខណ្ឌល្អខ្លាំងសម្រាប់ខ្ញុំ ដូចជាចេញពីធ្វើការម៉ោង ៧ ឬ ៨យប់ ខ្ញុំក៏នៅតែអាចយកលុយទៅដាក់បានតាមម៉ាស៊ីនដាក់ប្រាក់ស្វ័យប្រវត្តិរបស់ធនាគារដែលមាននៅក្បែរផ្ទះ។ ហើយពេលម៉ោងទំនេរ ខ្ញុំអាចចុចបង់ថ្លៃទឹកភ្លើងនេះតាមទូរសព្ទបានយ៉ាងងាយស្រួលបំផុត ដោយប្រើកម្មវិធី ABA Mobile»
«ប្រើប្រាស់កម្មវិធីនេះនិយាយទៅស្រួលម៉ាចប់ ហើយមានសព្វគ្រប់ម៉ង ...មិនថាតែបង់ថ្លៃទឹកភ្លើងទេ ខ្ញុំអាចបង់ថ្លៃទូរទស្សន៍ខ្សែកាប អ៊ីនធឺណែត បង់ថ្លៃសាលារៀនកូន បាញ់លុយចូលទូរស័ព្ទភ្លាមដោយមិនបាច់វាយលេខកូដ... មើលគណនីសន្សំលុយចេញចូលសល់ប៉ុន្មាន ប្រើពេលណាក៏បាន នៅកន្លែងណាក៏បាន ធានាសុវត្ថិភាព ច្បាស់លាស់មិនបារម្ភរឿងត្រូវគេកេងបន្លំឡើយ» ។
«ចំណេញច្រើនមែនបន្ទាប់ពីប្រើកម្មវិធីធនាគារ ABA Mobile នេះមក។ ពេលនេះខ្ញុំមានពេលត្រៀមបង្រៀនគ្រប់គ្រាន់ និងសម្រាកទៀងទាត់ ដែលមិនត្រឹមតែអាចបង្រៀនរកលុយបានច្រើនទេ ថែមទាំងធ្វើឲ្យសុខភាពល្អប្រសើរជាងមុខទៀត ។ លែងខ្វាយខ្វល់រឿងធ្វើដំណើរស្ទះផ្លូវ សុំច្បាប់ពីការងារ រាប់លុយឲ្យគេដូចពីមុនទៀតហើយ... ។»
«កម្មវិធីនេះមានលក្ខណៈទូលំទូលាយច្រើនមែន ហើយក្មេងសម័យឥលូវចូលចិត្តប្រើណាស់ព្រោះវាទំនើបទាន់សម័យ ដូចកន្លងមកនេះមានកូនសិស្សរបស់ខ្ញុំច្រើននាក់ដែរបានប្រើប្រាស់វាដើម្បីបង់ថ្លៃសិក្សាររបស់គេមកឲ្យខ្ញុំ ព្រោះវេរលុយរវាងគណនី ABA ដូចគ្នាអត់គិតលុយទេ»។
លោកបន្តបញ្ជាក់ពីចំនុចសំខាន់មួយទៀតរបស់កម្មវិធីធនាគារតាមទូរសព្ទនេះថា៖ «រាល់ពេលម៉ែខ្ញុំនៅស្រុកត្រូវការលុយម្តងៗ ក៏ងាយស្រួលណាស់ដែរ ។ ខ្ញុំអាចចុចផ្ញើបានភ្លាមតាមទូរសព្ទ ហើយគាត់អាចទៅដកលុយភ្លែតពីទូរ ATM របស់ធនគារ ABA ដែលនៅជិតផ្ទះ ព្រោះវាបើក ២៤ម៉ោងហ្មង! »។
«ធ្លាប់សាកប្រើសេវាផ្សេងៗដែរ តែខ្ញុំយល់ថាមានតែកម្មវិធីទូរស័ព្ទរបស់ធនាគារ ABA នេះទេ ដែលពិតជាទំនើបល្អ ទុកចិត្តបានខ្លាំងបំផុត All in one តែម្តង ។ វាសាមញ្ញងាយស្រួលប្រើ រហ័សទាន់ចិត្ត និងធានាសុវត្ថិភាព១០០% ព្រោះយើងអាចដាក់ស្នាមម្រាមដៃជាលេខសម្ងាត់បាន ដោយមិនបាច់ត្រូវវាយលេខសម្ងាត់ឡើយ។ ចង់យល់ពីអារម្មណ៍នេះ អាចសាកប្រើដោយផ្ទាល់បាន »៕