រកឃើញអ្នកជំនាញច្នៃបង្កើតភេសជ្ជៈថ្មីក្នុងការប្រកួត MONIN Coffee Creativity Cup 2017

2017-09-01 11:06:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនខូហ្វី ខូអិលធីឌី (KOFI Co., Ltd) សហការជាមួយក្រុមហ៊ុន MONIN អន្តរជាតិបានរៀបចំការប្រកួតជ្រើសរើសអ្នកជំនាញបង្កើតភេសជ្ជថ្មី ហៅថា “MONIN Coffee Creativity Cup 2017 ” នៅការិយាល័យលក់របស់ក្រុមហ៊ុនខូហ្វីកាលពីម្សិលមិញនេះ បានរកឃើញអ្នកឈ្នះ ៣ នាក់។ ម្ចាស់ជយលាភីលេខ១ នឹងត្រូវត្រៀមទៅប្រកួតផ្ដាច់ព្រ័ត្រ ក្នុងកម្មវិធីតាំងពិព័រណ៍កាហ្វេដ៏ធំនៅប្រទេសកូរ៉េ។

កម្មវិធីនេះបង្កើតឡើងដើម្បីផ្តល់ឱកាសដល់បេក្ខជនដែលមានជំនាញ និងស្រឡាញ់វិស័យ ចំណីអាហារ និង ភេសជ្ជបានបញ្ចេញសមត្ថភាព ដោយការប្រកួតនេះតម្រូវឲ្យបេក្ខជនបង្កើតភេសជ្ជថ្មីស្រឡាងដោយខ្លួនឯង ហើយភេសជ្ជនោះត្រូវផ្សំចេញពី កាហ្វេ Espresso និងផលិតផល MONIN ។

MONIN Coffee Creativity Cup គឺជាកម្មវិធីប្រកួតដែលបង្កើតឡើងដោយក្រុមហ៊ុន MONIN និងត្រូវដាក់ឲ្យមានការប្រកួតនៅបណ្តាលប្រទេសដែលមាននាំចូលផលិតផល MONIN ទាំងអស់។

អំពីក្រុមហ៊ុនខូហ្វី ខូអិលធីឌី

ក្រុមហ៊ុនខូហ្វី ខូអិលធីឌី ត្រូវបានបង្កើតឡើងក្នុងឆ្នាំ២០០៩ គឺជាក្រុមហ៊ុនទទួលសិទ្ធិចែកចាយផ្តាច់មុខផលិតផលកាហ្វេ ម៉ាស៊ីនកាហ្វេអេសប្រេស្សូគ្រប់ប្រភេទ ផលិតផល Monin និងសម្ភារៈកាហ្វេផ្សេងៗធំជាងគេនៅកម្ពុជា។ ក្រៅពីនេះក្រុមហ៊ុនក៏មានសេវាកម្មបង្រៀនឆុងកាហ្វេ មានក្រុមអ្នកជំនាញបង្កើតភេសជ្ជចាំជួយប្រឹក្សាយោបល់ សេវាកម្មជួសជុល និងថែទាំម៉ាស៊ីនកាហ្វេរបស់អតិថិជន និងការលីញគ្រាប់កាហ្វេខ្លួនឯងផងដែរ។ ការងារជាចម្បងរបស់Kofi គឺផ្ដោតទៅលើ ភាពជាវិជ្ជាជីវៈ និងការបង្កើតថ្មីសម្រាប់បំពេញនូវតម្រូវការរបស់អតិថិជន។

ដោយមើលឃើញពីភាពរីកចម្រើននៃ វិស័យអាហារ និងភេសជ្ជនៅកម្ពុជា ក្រុមហ៊ុនខូហ្វី បានសហការជាមួយក្រុមហ៊ុន MONIN នាំចូលផលិតផល MONIN ផ្ដាច់មុខមកកម្ពុជាក្នុងឆ្នាំ ២០១០ និងធ្វើការចែកចាយបន្តទៅ ហាងកាហ្វេ ភោជនីយដ្ឋាន សណ្ឋាគារ និងអតិថិជនគោលដៅជាច្រើនទៀតជុំវិញកម្ពុជា។

អំពីក្រុមហ៊ុន MONIN

ក្រុមហ៊ុន MONIN ត្រូវបានបង្កើតឡើងក្នុងឆ្នាំ ១៩១២ មានប្រវត្តិ និងកិត្តិនាមជាង១០០ឆ្នាំមកហើយ។MONIN បានក្លាយជាជម្រើសផលិតផលដែលល្អបំផុតសម្រាប់វិស័យភេសជ្ជក្រឡុក និងកាហ្វេ។ ឆ្លងកាត់បទពិសោធន៍ជាច្រើនឆ្នាំ MONIN បានឈជើងយ៉ាងរឹងមាំ និងពង្រីកអាជីវកម្មទៅជាង ១៤០ប្រទេសទូទាំងពិភពលោក។ បច្ចុប្បន្ន MONIN មានរោងចក្រចំនួន ៤ ដើម្បីងាយស្រួលក្នុងការចែកចាយ ដែលក្នុងនោះមាន ១ នៅសហរដ្ឋអាមេរិក ,២ នៅអឺរ៉ុប និង ១ទៀតនៅប្រទេស ម៉ាឡេស៊ីសម្រាប់ចែកចាយក្នុងទ្វីបអាស៊ី។ MONIN ក៏ត្រូវបានយកទៅប្រើប្រាស់ក្នុងការធ្វើភេសជ្ជជាច្រើនប្រភេទ លាយជាមួយបង្អែម និងអាហារមួយចំនួនផងដែរ ។

សម្រាប់ព័ត៌មានលម្អិត សូមទាក់ទង ក្រុមហ៊ុន ខូហ្វី ខូអិលធីឌី ៖