ទំនេរពីបាល់ទាត់ Mourinho ដើរទិញរបស់របរជូនមនុស្សចាស់ជរា

2020-03-24 10:36:44
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Jose Mourinho អ្នកចាត់ការក្លឹប Tottenham Hotspur ត្រូវបានគេប្រទះឃើញពាក់ម៉ាសនិងស្រោមដៃទៅទិញរបស់របរនិងចំណីចាំបាច់មួយចំនួនដោយផ្ទាល់នៅក្នុងផ្សារមួយនាទីក្រុងឡុងដុងប្រទេសអង់គ្លេស។

គោលបំណងដែលលោក Mourinho ទិញរបស់របរនិងចំណីអាហារចាំបាច់មួយចំនួនបែបនេះ គឺដើម្បីធ្វើការបរិច្ចាគដោយផ្ទាល់ទៅឲ្យមណ្ឌលចាស់ជរាដូចជា Age UK និង Love Your Doorstep។

ការបរិច្ចាគទៅដល់មណ្ឌលចាស់ជរាដោយផ្ទាល់នេះ គឺដូចជាការជួយទៅដល់ចាស់ៗដែលគេតម្រូវឲ្យនៅក្នុងផ្ទះដើម្បីជៀសវាងពីការឆ្លងជំងឺកូវីដ ១៩ ដែលកំពុងរីករាលដាលខ្លាំងនៅក្នុងប្រទេសអង់គ្លេស។

គួរបញ្ជាក់ផងដែរថា ចំនួនអ្នកឆ្លងជំងឺកូរ៉ូណានៅក្នុងប្រទេសអង់គ្លេសមានការកើនឡើងជាលំដាប់ដោយពេលថ្មីៗនេះកើនរហូតទៅដល់ ៦,៦៥០ករណីនិង មានស្លាប់រហូតទៅដល់ ៣៣៥ករណី ទន្ទឹមនឹងនេះក៏បានធ្វើឲ្យការប្រកួត Premier League ត្រូវលើកពេលនៃការប្រកួតរហូតដល់ថ្ងៃទី ៣០ខែមេសាឆ្នាំ ២០២០ខាងមុខ៕

ប្រភព៖ The Sun ប្រែសម្រួល៖ ហ៊ីម រស្មី