ភ្ញាក់ផ្អើល! WHO ព្រមានថា កូវីដ១៩អាចនឹងគ្មានវ៉ាក់ស៊ាំង ដូចទៅនឹងជំងឺ ២មុខនេះ
- 2020-05-10 07:46:54
- ចំនួនមតិ 0 | ចំនួនចែករំលែក 0
ភ្ញាក់ផ្អើល! WHO ព្រមានថា កូវីដ១៩អាចនឹងគ្មានវ៉ាក់ស៊ាំង ដូចទៅនឹងជំងឺ ២មុខនេះ
ចន្លោះមិនឃើញ
អ្នកនាំពាក្យពិសេសរបស់អង្គការសុខភាពពិភពលោក បានចេញមុខព្រមានថាជំងឺឆ្លងកូវីដ១៩ដែលផ្ទុះឡើងក្នុងប្រទេសចិនកាលពីចុងឆ្នាំមុន អាចនឹងមិនមានវ៉ាក់ស៊ាំងការពារដូចទៅនឹងជំងឺអេដស៍ និងគ្រុនឈាមដែរ។
យោងតាមលោកវេជ្ជបណ្ឌិត David Nabarro ឲ្យដឹងថា "មកទល់ពេលនេះ នៅតែមានវីរុសមួយចំនួនដែលគ្មានវ៉ាក់ស៊ាំងការពារឡើយ។ យើងមិនអាចធ្វើការសន្និដ្ឋានដាច់ខាតថាវ៉ាក់សាំងមួយ អាចនឹងអភិវឌ្ឍបាននោះទេ ហើយបើទោះបីជាអាចផលិតបាន ក៏ត្រូវឆ្លងកាត់ការធ្វើតេស្តប្រសិទ្ធភាព និងសុវត្ថិភាពទាំងអស់ជាមុនសិន។” លោកវេជ្ជបណ្ឌិតឲ្យដឹងទៀតថា "វាពិតជាចាំបាច់ណាស់ដែលសង្គមទាំងអស់នៅគ្រប់ទីកន្លែង ត្រូវរក្សាខ្លួនពួកគេនៅទីតាំងមួយដែលអាចការពារប្រឆាំងនឹងមេរោគកូវីដ១៩ នេះ ដែលជាការគំរាមកំហែងដល់ជីវិតក្នុងសង្គម និងសកម្មភាពសេដ្ឋកិច្ច។”
ការលើកឡើងរបស់វេជ្ជបណ្ឌិតខាងលើ បានធ្វើឡើងក្រោយពេលដែលប្រធានាធបិតីអាមេរិកអះអាងថា នឹងផលិតបានវ៉ាក់ស៊ាំងនៅចុងឆ្នាំ ២០២០នេះ។ ផ្ទុយពីការអះអាងរបស់ប្រធានាធិបតីខាងលើ អ្នកជំនាញផ្នែកសុខភាពបានលើកឡើងស្រឡះពីនេះថា ការអភិវឌ្ឍវ៉ាក់ស៊ាំងនឹងអាចចំណាយពេលចាប់ពី ១២-១៨ខែឯណោះ។ យោងតាមវេជ្ជបណ្ឌិត Anthony Fauci នាយកវិទ្យាស្ថានជាតិអាឡែរហ្សីនិងជំងឺឆ្លង បានឲ្យដឹងកាលពីខែមីនាថា "ដំណើរការអភិវឌ្ឍវ៉ាក់ស៊ាំងទាំងស្រុង នឹងត្រូវចំណាយពេល ១ឆ្នាំ ឬមួយឆ្នាំកន្លះយ៉ាងហោច។"
គួរបញ្ជាក់ថា រហូតមកទល់ពេលនេះ វីរុសកូវីដ១៩ដែលបានផ្ទុះឡើងកាលពីចុងឆ្នាំមុនក្នុងប្រទេសចិន បានឆក់យកជីវិតមនុស្សសរុប ២៨០ ៤៧០នាក់ និងឆ្លងសរុប ៤ ១០៣ ៥៣៩នាក់ទូទាំងពិភពលោក៕