Ceballos ហាក់ដូចឲ្យតម្រុយមិនចង់បន្តកុងត្រាផ្លូវការជាមួយ Arsenal

2020-05-21 10:47:09
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមរយៈកិច្ចសម្ភាសន៍មួយដោយសារព័ត៌មានអេស្ប៉ាញ TVE ខ្សែបម្រើអេស្ប៉ាញកីឡាករ Dani Ceballos បានឲ្យតម្រុយថា ខ្លួនចង់ត្រលប់ទៅកាន់ក្លឹប Real Madrid ក្រោយចប់កុងត្រាខ្ចីជើងជាមួយក្លឹប Real Madrid។

Ceballos បានលើកឡើងថា៖ " តាមពិតទៅ ខ្ញុំជាកីឡាករ Real Madrid ហើយកីឡាករនៅជុំវិញសុទ្ធតែចង់លេងឲ្យ Real Madrid។ ខ្ញុំនៅជាប់កុងត្រាជាមួយពួកគេ ៣ឆ្នាំទៀត ហើយ Real ហាក់ដូចជាក្លឹបកំពុងឈានទៅរកភាពជោគជ័យ " ។

កីឡាករអេស្ប៉ាញរូបនេះបានបន្តថា៖ " ខ្ញុំសប្បាយចិត្ត ដែលខ្ញុំមានកុងត្រាជាមួយ Real Madrid។ ឥលូវខ្ញុំ ២៣ឆ្នាំហើយ ពេលនេះខ្ញុំមានអារម្មណ៍ថា ខ្ញុំក្លាយជាកីឡាករអាជីពមួយរូប ហើយប្រុងប្រៀបនឹងការប្រកួតប្រជែងនៅចំពោះមុខ " ។

គួរបញ្ជាក់ផងដែរថា Ceballos បានរួមរស់ជាមួយក្លឹប Real Madrid តាំងពីឆ្នាំ២០១៧មក ហើយកីឡាកររូបនេះបានផ្លាស់មកកាន់ Arsenal ក្នុងលក្ខខ័ណ្ឌខ្ចីជើងកាលពីឆ្នាំ២០១៩កន្លងទៅ៕

ប្រភព៖ Dailymail ប្រែសម្រួល៖ ហ៊ីម រស្មី