គួរឲ្យសរសើរ! នាយិកាក្រុមហ៊ុនមួយបានធ្វើទង្វើសប្បុរសធម៌ដើម្បីអបអរថ្ងៃខួបកំណើតខ្លួន
- 2020-06-01 02:59:33
- ចំនួនមតិ 0 | ចំនួនចែករំលែក 0
គួរឲ្យសរសើរ! នាយិកាក្រុមហ៊ុនមួយបានធ្វើទង្វើសប្បុរសធម៌ដើម្បីអបអរថ្ងៃខួបកំណើតខ្លួន
ចន្លោះមិនឃើញ
នៅថ្ងៃទី១ ខែ មិថុនា បានក្លាយជាថ្ងៃដ៏រីករាយមួយរបស់សាលាដូងគិរីរម្យ ដោយសារវត្តមានរបស់លោកស្រី ម៉េង សុខណាង នាយិកាក្រុមហ៊ុន វីធីស៊ី ឡូជីស្ទីក VTC LOGISTICS ដែលបានអញ្ជើញមកទឹកដីព្រៃស្រល់ដ៏ស្រស់ស្អាត និងបានធ្វើសកម្មភាពសប្បុរសធម៌ជាច្រើនដល់សាលាកុមារក្រីក្រមួយនេះ។
« អស់រយៈកាលជាង ៣ឆ្នាំហើយដែលសាលាទាំងមូលប្រឈមនឹងវិបត្តិខ្វះខាតទឹកស្អាតប្រើប្រាស់ ខ្វះសម្ភារសិក្សា និងបង្គន់អនាម័យ។ ដូច្នេះហើយ តាមរយៈទស្សនៈកិច្ចលើកនេះ លោកស្រី ម៉េង សុខណាង បានសម្រេចឧបត្ថម្ភជូនសាលារៀនដូង ជំរុញការអភិវឌ្ឍឲ្យសាលាមួយនេះអាចមានលទ្ធភាពរកកម្រៃដើម្បីទ្រទ្រង់ដំណើរការបានដោយខ្លួនឯងនាពេលអនាគត» ។ នេះបើតាមការឲ្យដឹងពី លោក អ៊ុក វណ្ណដេ ដែលជាស្ថាបនិករបស់សាលាដូង គីរីរម្យ។
លោក ម៉េង សុខណាង បានសម្រេចឧបត្ថម្ភជូនសាលារៀនដូង រួមមាន៖
១. ជួយជាអណ្តូងបានទឹកមកប្រើប្រាស់ដូចជា៖
២.បង្គន់អនាម័យ ដាក់ប្រអប់មូលនិធិ យកលុយមកជួយសាលា
៣.ផ្ទះពីងពាងលើដើមឈើ សម្រាប់ភ្ញៀវជាតិ អន្តរជាតិ ទៅសម្រាក ដាក់ប្រអប់លុយ យកលុយមកផ្គត់ផ្គង់សាលាដែរ ។
លោកបន្តថា ៖ « នៅថ្ងៃនេះ ដែលជាថ្ងៃខួបកំណើតបងស្រី ម៉េង សុខណាង ក្នុងនាមខ្ញុំជាស្ថាបនិកសាលារៀនដូង និងជាតំណាងសិស្សានុសិស្សសាលារៀនដូងទាំងអស់ សូមចូលរួមរីករាយថ្ងៃខួបកំណើតរបស់បងស្រី។ ខ្ញុំពិតជាសរសើរទឹកចិត្តបងស្រី ដែលជ្រើសរើសយកការធ្វើសប្បុរសធម៌ជួយដល់សាលាខ្វះខាត និងកុមារក្រីក្រដែលមានតម្រូវការ ក្នុងថ្ងៃខួបកំណើតរបស់ខ្លួន» ។
នេះគឺជាការផ្ញើសារមួយដ៏មានន័យទៅកាន់សង្គម ក៏ដូចជាក្មេងៗ ដែលកំពុងសិក្សានៅសាលារៀនដូងទាំងអស់ ឲ្យយល់ច្បាស់ពីវប្បធម៌នៃការចែករំលែក និងចេះជួយទុក្ខធុរៈគ្នាទៅវិញទៅមកក្នុងសង្គមជាតិយើង។ លោកបញ្ជាក់បន្ថែម៕
តោះ! មើលទិដ្ឋភាពដ៏ស្រស់ស្អាតនៅសាលាដូង បច្ចុប្បន្ន ៖