មើលតម្លៃឡាន RAV4 សាកភ្លើងបាន លក់នៅជប៉ុន
- 2020-06-09 03:26:05
- ចំនួនមតិ 0 | ចំនួនចែករំលែក 0
មើលតម្លៃឡាន RAV4 សាកភ្លើងបាន លក់នៅជប៉ុន
ចន្លោះមិនឃើញ
ក្រោយពីបានដាក់លក់នៅទីផ្សារអាមេរិកខាងជើងរួចមក Toyota បាននាំយក RAV4 ប្រភេទ Plug-in Hybrid ដែលអាចសាកភ្លើងបាន ទៅលក់នៅប្រទេសកំណើតរបស់ខ្លួន។
នៅជប៉ុនរថយន្តនេះមានប្រើប្រាស់ឈ្មោះជា RAV4 PHV ខុសពីនៅអាមេរិកខាងជើងដែលមានឈ្មោះ RAV4 Prime ប៉ុន្តែវាមានបំពាក់ប្រព័ន្ធម៉ាស៊ីនដូចគ្នា។ ប្រព័ន្ធ Toyota Hybrid System II ថ្មីដែលបំពាក់លើរថយន្តនេះអាចបង្កើតកម្លាំងបាន ៣០៦សេះ ដែលមានគួបផ្សំពីកម្លាំង ១៧៥សេះ បានពីម៉ាស៊ីនសាំង ២,៥លីត្រ ៤ស៊ីឡាំង និងម៉ូទ័រមុខកម្លាំង ១៨០សេះ ជាមួយម៉ូទ័រក្រោយ ៥៣សេះ ហើយមានអាគុយទំហំ ១៨,១ គីឡូវ៉ាត់ម៉ោង។
ប្រព័ន្ធនេះអាចឲ្យ RAV4 PHV ជិះដោយប្រើប្រាស់ថាមពលអគ្គិសនីសុទ្ធបានរយៈចម្ងាយ ៩៥ គីឡូម៉ែត្រ ហើយវាមានកម្រិតស៊ីប្រេងជាមធ្យម ៤,៥លីត្រ ក្នុងចម្ងាយ ១០០ គីឡូម៉ែត្រ។ ប្រព័ន្ធ Hybrid ដ៏ខ្លាំងក្លានេះដែរ អាចឲ្យរថយន្តស្ទុះពី ០-១០០ គ.ម/ម៉ ក្នុងពេល ៦វិនាទី។
Toyota បានកំណត់លក់រថយន្ត RAV4 PHV ជាមួយតម្លៃចាប់ពីប្រមាណ ៤២ ៨២០ដុល្លារ លើទីផ្សារប្រទេសជប៉ុន ខណៈដែលនៅអាមេរិកវាមានតម្លៃចាប់ពី ៣៨ ១០០ដុល្លារ មិនទាន់គិតបញ្ចូលថ្លៃដឹកជញ្ជូន និងសេវាផ្សេងៗ៕