Xiaomi ចេញលក់ Power Bank ទំហំ 30000mAh សាកឆាប់ពេញ តម្លៃត្រឹម ២៤ដុល្លារ
- 2020-06-15 02:52:28
- ចំនួនមតិ 0 | ចំនួនចែករំលែក 0
Xiaomi ចេញលក់ Power Bank ទំហំ 30000mAh សាកឆាប់ពេញ តម្លៃត្រឹម ២៤ដុល្លារ
ចន្លោះមិនឃើញ
Xiaomi បានបង្ហាញចេញនូវ Power Bank ដែលមានទំហំធំបំផុតរបស់ខ្លួន Mi Power Bank 3 ដែលមានទំហំផ្ទុកដល់ ៣០០០០ mAh ឯណោះ។
វាមានរន្ធ USB-A ចំនួនពីរ និងរន្ធ USB-C ចំនួនមួយ ដែលមានកម្លាំងសាក ១៨វ៉ាត់។ Power Bank នេះក៏មានប៊ូតុងសម្រាប់កំណត់ល្បឿនសាកឲ្យទាប សម្រាប់សាកឧបករណ៍តូចៗដូចជា Smartwatch និងកាស Bluetooh ផងដែរ។
Power Bank នេះដែរក៏មានសមត្ថភាពសាកបញ្ចូលថ្មខ្លួនឯងតាមរន្ធ USB-C ក្នុងល្បឿន ២៤វ៉ាត់ ប្រសិនបើប្រើជាមួយឆ្នាំងសាក ៣០វ៉ាត់ របស់ Xiaomi អាចសាកដល់ ១០០% ក្នុងពេល ៧,៥ម៉ោង។ សម្រាប់ការសាកតាមរន្ធ microUSB គឺមានល្បឿនត្រឹម ១៨វ៉ាត់ប៉ុណ្ណោះ។
Xiaomi នឹងដាក់លក់ផលិតផលថ្មីនេះលើវិបសាយ JD.com នៅប្រទេសចិន ចាប់ពីថ្ងៃទី ១៨ ខែមិថុនា ក្នុងតម្លៃប្រមាណ ២៤ដុល្លារ៕