Ronaldo រកបានគ្រាប់ទី២២នៅ Serie A បន្តប្រជែង Top Scorer
- 2020-06-23 02:27:32
- ចំនួនមតិ 0 | ចំនួនចែករំលែក 0
Ronaldo រកបានគ្រាប់ទី២២នៅ Serie A បន្តប្រជែង Top Scorer
ចន្លោះមិនឃើញ
ខ្សែប្រយុទ្ធ Cristiano Ronaldo បានរកឃើញគ្រាប់ទី២២របស់ខ្លួននៅ Serie A កាលពីយប់មិញ ជួយ Juventus ឈ្នះ Bologna ២-០ បន្តកាន់កាប់កំពូលតារាង។
Juventus ដែលឈ្នះពាន Serie A ៨លើកចុងក្រោយជាប់គ្នា ពេលនេះកំពុងដាច់៤ពិន្ទុពីក្រុមលេងពីរ Lazio។ ក្នុងការប្រកួតយប់មិញ Ronaldo ជាអ្នករកគ្រាប់ដំបូងឲ្យ Juve ដោយបាល់ប៉េណាល់ទី បន្ទាប់ពីកីឡាករ Stefano Denswil របស់ Bologna សាងកំហុសលើខ្សែការពារ Matthijs de Ligt។
នេះជាគ្រាប់ទី២២សម្រាប់ Ronaldo នៅ Serie A រដូវកាលនេះ ឈរនៅចំណាត់ថ្នាក់លេខពីរក្នុងនាមជាអ្នកទាត់បញ្ចូលទីច្រើនជាងគេក្នុងលីគ នៅក្រោម Ciro Immobile របស់ Lazio ៥គ្រាប់។ Paulo Dybala ជាអ្នករកគ្រាប់ទី២ឲ្យ Juventus ដោយការទាត់កោងពីដំបូងទូកយ៉ាងល្អ ខណៈ Danilo ទទួលបានកាតលឿង២ដងស្មើនឹងកាតក្រហមចុងម៉ោង៕