Solskjaer និយាយត្រង់ៗថា Man Utd មិនទាន់អាចប្រជែងយកពាន PL បានទេ
- 2020-06-24 11:37:38
- ចំនួនមតិ 0 | ចំនួនចែករំលែក 0
Solskjaer និយាយត្រង់ៗថា Man Utd មិនទាន់អាចប្រជែងយកពាន PL បានទេ
ចន្លោះមិនឃើញ
អ្នកចាត់ការក្លឹប Manchester United លោក Ole Gunnar Solskjaer បាននិយាយកាលពីពេលថ្មីៗនេះថា ក្លឹបរបស់លោកនៅមិនទាន់ អាចប្រកួតប្រជែងយកពានរង្វាន់ Premier League បាននៅឡើយទេ។
លោក Solskjaer បាននិយាយថា៖" យើងនឹងនៅតែខិតខំ អភិវឌ្ឍក្លឹបរបស់យើងជាបន្តបន្ទាប់ទៀត។ យើងនឹងចំណាយលុយមួយចំនួន រកអ្នកណាដែលអាចជួយយើងឲ្យកាន់តែប្រសើរ។ ក្លឹបរបស់យើងរៀបចំល្អហើយ យើងកំពុងតែបោះជំហានបានត្រឹមត្រូវហើយលើកនេះ។"
អ្នកចាត់ការរូបនេះបានបន្តថា៖" ប៉ុន្តែវាមិនទាន់ដល់ចំណុចមួយដែលយើងចង់បាន ក្លឹបយើងមិនទាន់អាចប្រកួតប្រជែងយកពាន PL បានទេ តែយើងនឹងខិតខំធ្វើម្ដងមួយជំហាន។"
យ៉ាងណាមិញលោក Solskjaer បានត្រឹមសង្ឃឹមថា ក្លឹបលោកអាចប្រជែងយកពាន Europa League និង ពាន FA Cup បន្ទាប់មកលោកនឹងគិតបន្ត អ្វីដែលលោកធ្វើបាន នៅរដូវកាលខាងមុខ៕