Klopp មិនពេញចិត្តអ្នកគាំទ្រ Liverpool ដែលអបអរយ៉ាងអធិកអធម ក្នុងពេលនេះទេ
- 2020-06-29 11:57:43
- ចំនួនមតិ 0 | ចំនួនចែករំលែក 0
Klopp មិនពេញចិត្តអ្នកគាំទ្រ Liverpool ដែលអបអរយ៉ាងអធិកអធម ក្នុងពេលនេះទេ
ចន្លោះមិនឃើញ
លោក Jurgen Klopp អ្នកចាត់ការក្លឹប Liverpool បានសរសេរសំបុត្រជំហរទៅកាន់អ្នកគាំទ្រក្នុង Liverpool Echo ដែលជាគេហទំព័រគាំទ្រក្លឹបនេះថា លោកមិនពេញចិត្តនឹងការអបអរដោយមានលក្ខណៈជួបជុំអញ្ចឹងទេ ព្រោះក្នុងពេលនេះជំងឺកូវីដ-១៩ នៅតែមិនទាន់ថមថយនៅឡើយទេ។
លោក Jurgen Klopp បាននិយាយថា៖" ខ្ញុំមិនពេញចិត្តឲ្យអបអរលក្ខណៈជួបជុំគ្នាអញ្ចឹងឡើយ។ យើងធ្វើអ្វីក៏ដោយ ត្រូវគិតពីពីសុវត្ថិភាពផងក្នុងពេលនេះ ព្រោះថាជំងឺកូវីដ-១៩ នៅមិនទាន់ថមថយទេ។ យើងទាំងអស់គ្នា គួរស្ដាប់តាមការណែនាំរបស់ពេទ្យ និងអាជ្ញាធរឲ្យបានជាប់លាប់ មិនត្រូវប្រហែសខ្លួនអញ្ចឹងទេ។"
អ្នកចាត់ការរូបនេះបានបន្តថា៖" យើងគួរអបអរតាមផ្ទះរៀងៗខ្លួនទៅ។ តាមពិតទៅខ្ញុំចង់ធ្វើអ្វីមួយ ឲ្យលើសពីការជួបជុំដ៏ធំជាងនេះទៀតផង តែធ្វើទៅមិនកើតទេក្នុងឆ្នាំ ប្រសិនបើស្ថានភាពដូចឆ្នាំមុន ខ្ញុំធ្វើបាត់ហើយ តែនេះយើងគួរគិតពីសុវត្ថិភាពជាចម្បងសិន។"
គួរបញ្ជាក់ផងដែរថា បន្ទាប់ពីក្លឹប Liverpool បានឈ្នះពានកាលពីថ្ងៃទី២៦ ខែមិថុនា ឆ្នាំ២០២០កន្លងទៅនេះ មានអ្នកគាំទ្រជាច្រើនបានមកជុំគ្នាអបអរ ហើយបានបង្កជាគ្រោះថ្នាក់ ហើយទៀតត្រូវប៉ូលិសឃាត់ខ្លួនថែមទៀតផង៕