មើលប្រអប់ iPhone 12 ដែលលែងថែមកាស និងដុំសាក
- 2020-07-08 01:27:35
- ចំនួនមតិ 0 | ចំនួនចែករំលែក 0
មើលប្រអប់ iPhone 12 ដែលលែងថែមកាស និងដុំសាក
ចន្លោះមិនឃើញ
ការចេញផ្សាយជាច្រើននាពេលកន្លងមកនេះ បានឲ្យដឹងថា iPhone 12 នឹងមិនមានដុំសាកថ្ម និងកាសស្ដាប់ក្នុងប្រអប់ទៀតនោះទេ។ រូបភាព Render ថ្មីមួយ ដែលចេញផ្សាយនាថ្ងៃនេះ បានបង្ហាញអំពីការឌីហ្សាញថ្មីនៃប្រអប់របស់ iPhone 12។
រូបភាពគឺចេញផ្សាយដោយ Concepts iPhone ដែលគេបានអះអាងថាទទួលបានវាពីប្រភពគួរឲ្យទុកចិត្តបំផុតមួយ។ រូបភាពនេះបានបង្ហាញថា iPhone 12 និងមានភ្ជាប់មកជាមួយនូវខ្សែ Lightning មួយដែលដាក់ក្នុងរង្វង់មូលខាងលើ ហើយផ្នែកខាងក្រោមសម្រាប់ដាក់សៀវភៅណែនាំអំពី iPhone និងស្ទីកគ័រ Apple។ សម្រាប់ iPhone វិញ នឹងស្ថិតនៅពីលើគ្រឿងទាំងនេះ ដូចពីមុនៗដែរ។
គួរដឹងថាអ្នកវិភាគ Ming-Chi Kuo ធ្លាប់បានចេញផ្សាយថា Apple ចង់លក់ iPhone 12 ក្នុងលំដាប់តម្លៃស្រដៀងនឹង iPhone 11 ហើយតាមរយៈការដកគ្រឿងបន្លាស់ចេញពីប្រអប់នឹងជួយប៉ះប៉ូវការឡើងថ្លៃនៃប្រព័ន្ធទំនាក់ទំនង 5G ដែលនឹងមានបំពាក់លើ iPhone ជាលើកដំបូង។ បន្ថែមពីលើការកាត់បន្ថយការចំណាយ វាក៏ចូលរួមចំណែកជួយដល់បរិស្ថានផងដែរ៕