រាជរដ្ឋាភិបាលកម្ពុជា កំពុងគិតគូរក្នុងការកំណត់ថ្ងៃឈប់សម្រាកជំនួសបុណ្យចូលឆ្នាំខ្មែរ
- 2020-07-08 10:43:44
- ចំនួនមតិ 0 | ចំនួនចែករំលែក 0
រាជរដ្ឋាភិបាលកម្ពុជា កំពុងគិតគូរក្នុងការកំណត់ថ្ងៃឈប់សម្រាកជំនួសបុណ្យចូលឆ្នាំខ្មែរ
ចន្លោះមិនឃើញ
រាជរដ្ឋាភិបាលកម្ពុជា កំពុងតែធ្វើការពិចារណាក្នុងការជ្រើសរើសថ្ងៃឈប់សម្រាកជំនួស បុណ្យចូលឆ្នាំខ្មែរ ដែលត្រូវបានពន្យារកាលពីខែមេសាកន្លងទៅ នេះបើតាមការចុះផ្សាយរបស់ទូរទស្សន៍ជាតិកម្ពុជា។
ទទក បានផ្សាយថា សម្ដេចតេជោនាយករដ្ឋមន្ត្រី ហ៊ុន សែន បានជំរុញឲ្យឯកឧត្ដមរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ អូន ព័ន្ធមុនីរ័ត្ន ឲ្យដឹកនាំកិច្ចប្រជុំគណៈកម្មការប្រឆាំងកូវីដ-១៩ ដើម្បីរើសថ្ងៃឈប់សម្រាកសងពីបុណ្យចូលឆ្នាំខ្មែរ។
សម្ដេចបានមានប្រសាសន៍ថា ថ្ងៃឈប់សម្រាកសងនេះធ្វើយ៉ាងណា កុំឲ្យជាន់ជាមួយថ្ងៃឈប់សម្រាកសងបុណ្យចូលឆ្នាំថ្មីរបស់ប្រទេសថៃ ដោយអាចនឹងត្រូវនៅចុងខែកក្កដា និងដើមខែសីហា ឆ្នាំ២០២០។
ប្រសិនបើកិច្ចប្រជុំបានឯកភាពទាំងស្រុង រាជរដ្ឋាភិបាលនឹងចេញអនុក្រឹត្យឈប់សម្រាកមួយសប្ដាហ៍តែម្ដង ដោយសងចូលឆ្នាំ ៥ថ្ងៃ ហើយបូកបន្ថែមថ្ងៃសៅរ៍ និងថ្ងៃអាទិត្យ៕