កាន់តែកៀក! Real ត្រូវការឈ្នះតែ១ប្រកួតទៀតប៉ុណ្ណោះនឹងក្លាយជាជើងឯក
- 2020-07-14 02:01:01
- ចំនួនមតិ 0 | ចំនួនចែករំលែក 0
កាន់តែកៀក! Real ត្រូវការឈ្នះតែ១ប្រកួតទៀតប៉ុណ្ណោះនឹងក្លាយជាជើងឯក
ចន្លោះមិនឃើញ
ក្រុមនាំមុខកំពូលតារាង Real Madrid កាន់តែខិតជិតក្លាយជាជើងឯក La Liga ដោយត្រូវការឈ្នះតែមួយប្រកួតទៀតប៉ុណ្ណោះ បន្ទាប់ពីយកឈ្នះ Granada កាលពីយប់មិញ។
ខ្សែការពារបារាំង Ferland Mendy ជាអ្នកបើកឆាករកគ្រាប់ដំបូងឲ្យ Madrid បន្ទាប់ពីព្យាយាមអូសបាលពីខាងឆ្វេងទាត់ចូលមុំ៩០។ មិត្តរួមជាតិបារាំង Karim Benzema គឺជាអ្នកទាត់បញ្ចូលទីគ្រាប់ទី២។
យ៉ាងណាមិញ ខាង Granada បានខិតខំតដៃបានមួយគ្រាប់ដែលជាការទាត់បញ្ចូលទីពីកីឡាករ Darwin Machis ស៊ីប្រឡោះជើងអ្នកចាំទី Thibaut Courtois។ ប៉ុន្តែលទ្ធផល ២-១ បានរក្សាដល់ចប់ការប្រកួត។
ក្រុមលោក Zinedine Zidane ពេលនេះកំពុងដាច់៤ពិន្ទុពីក្រុមលេខ២ Barcelona ខណៈការប្រកួតនៅលីគសល់តែ២ប្រកួតទៀតប៉ុណ្ណោះ។ នេះមានន័យថា Madrid ត្រូវការឈ្នះតែ១ប្រកួតទៀតនឹងក្លាយជាជើងឯក La Liga ហើយ៕