គ្រូ Napoli ថាឱ្យតែលេងល្អដូចពេលនេះ ប៉ះ Barca អាចសង្ឃឹមឈ្នះ
- 2020-07-21 02:53:06
- ចំនួនមតិ 0 | ចំនួនចែករំលែក 0
គ្រូ Napoli ថាឱ្យតែលេងល្អដូចពេលនេះ ប៉ះ Barca អាចសង្ឃឹមឈ្នះ
ចន្លោះមិនឃើញ
លោក Gennaro Gattuso អ្នកចាត់ការក្រុម Napoli ថានឹងមានសង្ឃឹមឈ្នះ FC Barcelona បាន ប្រសិនបើកូនក្រុមរបស់លោករក្សាសមត្ថភាព កម្លាំង លេងល្អដូចពេលបច្ចុប្បន្ននេះ។
ក្រុម Napoli កំពុងតែធ្វើបានល្អមែនទែន៥ប្រកួតមកនេះ ដោយឈ្នះ៣និងស្មើ២ ហើយពួកគេសុទ្ធតែពោរពេញដោយកម្លាំងចិត្ត។ នេះជាការត្រៀមខ្លួនបានយ៉ាងល្អមួយសម្រាប់ក្រុមនៅអ៊ីតាលីនេះ មុនពេលប៉ះក្រុម Barcelona ជើងទី២ វគ្គ១៦ក្រុមចុងក្រោយ UEFA Champions League ។ ដោយកាលពីជើងទី១កន្លងទៅ ពួកគេទាំងពីរលេងស្មើគ្នាក្នុងលទ្ធផល ១-១។
លោក Gattuso អ្នកចាត់ការក្រុម Napoli បាននិយាយថា៖ “យើងចាប់ផ្ដើមលេងបានល្អតាំងពីបើករដូវកាលមកវិញនេះ។ យើងសង្ឃឹមថានឹងបន្ដលេងល្អទៀតពេលប៉ះក្រុម Barcelona នៅពេលខាងមុខនេះ”។ អ្នកចាត់ការវ័យក្មេងខាងលើក៏បានបង្ហាញក្ដីបារម្ភមួយដែរ ដោយលោកខ្លាចករណីឆ្លងមេរោគ Covid-19 ដែលកំពុងផ្ទុះឡើងជាថ្មីនៅក្រុងបាសេឡូណានៅពេលថ្មីៗនេះ។ វាអាចនឹងធ្វើឱ្យកីឡាករប្រមូលអារម្មណ៍មិនមូលពេលប្រកួតក៏ថាបាន៕