Solskjaerថា Liverpool និង Man City គ្រាន់បើជាង Man Utd ឆ្ងាយណាស់
- 2020-07-24 13:05:43
- ចំនួនមតិ 0 | ចំនួនចែករំលែក 0
Solskjaerថា Liverpool និង Man City គ្រាន់បើជាង Man Utd ឆ្ងាយណាស់
ចន្លោះមិនឃើញ
អ្នកចាត់ការក្លឹប Manchester United លោក Ole Gunnar Solskjaer បាននិយាយកាលពីពេលថ្មីៗនេះថា ក្លឹបលោកត្រូវខំខ្លាំងជាងនេះទៀត ព្រោះក្លឹប Liverpool និងក្លឹប Manchester City នាំមុខក្លឹបលោកខ្លាំងណាស់។
លោក Solskjaer បាននិយាយថា៖" មកទល់នឹងពេលនេះ យើងអត់ទាន់ជោគជ័យលើអីមួយសោះ អញ្ចឹងហើយយើងត្រូវការមួយទៀត ដើម្បីបញ្ជាក់ផងដែរថាក្លឹបយើងនៅតែគ្រាន់បើ។ បើយើងអាចយកឈ្នះ Leicester បាននោះខ្ញុំគិតថា អ្នកមើលបាល់ទាំងអស់អាចសរសើរក្លឹបយើងបានបន្តិច។ "
អ្នកចាត់ការរូបនេះបានបន្តថា៖" យ៉ាងណាដំណើររបស់យើងមិនបញ្ចប់ត្រឹមនេះទេ យើងមិនអាចធ្វើលេងៗបានទេ ព្រោះថាយើងត្រូវលេងនៅរដូវកាលក្រោយៗទៀត។ ដូចដឹងហើយ មានពីរក្រុមធំៗដែលគ្រាន់បើជាយើងណាស់ អញ្ចឹងយើងត្រូវបានខំឲ្យខ្លាំងជាងនេះទៀត។ "
Man Utd បានឈរលើចំណាត់លេខ៣ ក្នុងការប្រកួត Premier League ដោយមាន ៦៣ពិន្ទុខណៈ Man City ឈរលើចំណាត់ថ្នាក់លេខ២មាន ៧៨ពិន្ទុ រីឯ Liverpool ជាអ្នកឈ្នះពានមានដល់ទៅ ៩៦ពិន្ទុឯណោះ៕