កីឡាករ Real ម្នាក់ត្រូវបានតេស្តរកឃើញកូវីដ ខណៈជាងមួយអាទិត្យទៀតប៉ះ Man City
- 2020-07-28 13:34:41
- ចំនួនមតិ 0 | ចំនួនចែករំលែក 0
កីឡាករ Real ម្នាក់ត្រូវបានតេស្តរកឃើញកូវីដ ខណៈជាងមួយអាទិត្យទៀតប៉ះ Man City
ចន្លោះមិនឃើញ
ខ្សែប្រយុទ្ធក្លឹប Real Madrid កីឡាករ Mariano Diaz ត្រូវបានតេស្តរកឃើញវិជ្ជមានកូវីដ-១៩ក្នុងថ្ងៃនេះ បើយោងតាមការបញ្ជាក់របស់ក្លឹបនេះផ្ទាល់។
បន្ទាប់ពីមានលទ្ធផលវិជ្ជមានកូវីដ-១៩ Diaz ត្រូវបាន Real ដកបេក្ខភាពមិនឲ្យចូលរួមក្នុងប្រកួតតទល់នឹងក្លឹប Manchester City ក្នុងក្របខ័ណ្ឌ UEFA Champions League វគ្គ១៦ក្រុមចុងក្រោយជើងទី២ ក្នុងថ្ងៃទី០៧ ខែសីហា ឆ្នាំ២០២០។
ទោះបីជាយ៉ាងណាក្ដី Real សង្ឃឹមថាការប្រកួតខាងលើនឹងនៅតែអាចចាប់ផ្ដើមទៅតាមពេលគ្រោងទុក។
គួរបញ្ជាក់ផងដែរថា នៅក្នុងពេលនេះ Diaz កំពុងមានសុខភាពល្អធម្មតា និងតម្រូវឲ្យធ្វើចត្តាឡីស័កនៅក្នុងផ្ទះផ្ទាល់ខ្លួន និងហាមមិនឲ្យជួបផ្ទាល់ជាអ្នកដទៃ៕