Google នឹងឲ្យអ្នកប្រើ iPhone អាច Backup ឯកសារទុកដោយមិនគិតលុយ
- 2020-07-30 04:13:36
- ចំនួនមតិ 0 | ចំនួនចែករំលែក 0
Google នឹងឲ្យអ្នកប្រើ iPhone អាច Backup ឯកសារទុកដោយមិនគិតលុយ
ចន្លោះមិនឃើញ
កាលពីឆ្នាំមុន Google បានបន្ថែមនូវមុខងារ Backup ដោយស្វ័យប្រវត្តិសម្រាប់ស្មាតហ្វូន Android ជាមួយសេវាកម្ម Google One។ ប៉ុន្តែនាថ្ងៃនេះ ក្រុមហ៊ុនបានប្រកាសថាឆាប់ៗខាងមុខនេះ អ្នកប្រើប្រាស់ iPhone ក៏នឹងទទួលបានមុខងារនេះដូចគ្នាដែរ។
Google បានបញ្ជាក់ថាអ្នកប្រើប្រាស់ iPhone នឹងអាច Backup ទិន្នន័យមានលើទូរសព្ទដោយមិនគិតថ្លៃ ទោះបីជាមិនជាវសេវាកម្ម Google One ក៏ដោយ ដែលនឹងអាច Backup ជាមួយ Drive ទំហំ ១៥GB ដែល Google បានផ្ដល់ជូនកន្លងមក។ អ្នកប្រើប្រាស់ iPhone នឹងអាចគ្រប់គ្រងលើការ Backup តាមរយៈកម្មវិធី Google One ដែលនឹងបញ្ចេញឲ្យប្រើឆាប់ៗ។
កម្មវិធី Google One ថ្មីនេះដែរ ក៏នឹងមានបញ្ចូលនូវ Storage Manager មួយ ដែលអ្នកនឹងអាចប្រើប្រាស់វាសម្រាប់លុបទិន្នន័យមួយចំនួន ដែលស៊ីទំហំផ្ទុកក្នុងទូរសព្ទឥតប្រយោជន៍ផងដែរ៕