ដឹងលទ្ធផលតវ៉ារបស់ ឈិត សេរីវណ្ណថង ពេលប៉ះ អេលីត ចំរើន ហើយ
- 2020-08-26 07:09:54
- ចំនួនមតិ 0 | ចំនួនចែករំលែក 0
ដឹងលទ្ធផលតវ៉ារបស់ ឈិត សេរីវណ្ណថង ពេលប៉ះ អេលីត ចំរើន ហើយ
ចន្លោះមិនឃើញ
ឪពុករបស់ ឈិត សេរីវណ្ណថង ថាការតវ៉ាលទ្ធផលជាមួយ អេលីត ចំរើន កាលពីថ្ងៃអាទិត្យនៅ PNN នោះខាងសហព័ន្ធបានទាក់ទងមកហើយ គឺគេគ្មានចំណាត់ការអ្វីនោះទេ ព្រោះត្រឹមជាការប្រកួតធម្មតា មិនមែនដណ្ដើមពានរង្វាន់ ឬខ្សែក្រវាត់អ្វី។
លោក ឈុត សេរី ឪពុកបង្កើត និងជាគ្រូបង្វឹករបស់ ឈិត សេរីវណ្ណថង បានឲ្យដឹងមុននេះថា ចំពោះការតវ៉ាកាលពីថ្ងៃអាទិត្យ ទី២៣ សីហា ២០២០ នៅ PNN នោះសហព័ន្ធបានឆ្លើយតបមកហើយថាគ្មានចំណាត់ការ ឬដំណោះស្រាយអំពីការប្រកួតនោះទេ។
ឪពុករបស់ វណ្ណថង បានបន្ថែមទៀតថា ខាងសហព័ន្ធគុនខ្មែរ លោក និន ភារម្យ លើកឡើងទៀតថា បើទោះគ្មានចំណាក់លើរឿងនេះមែន ប៉ុន្តែសហព័ន្ធបើកកិច្ចប្រជុំជាមួយចៅក្រម អាជ្ញាកណ្ដាលនៅសង្វៀន PNN ឲ្យពង្រឹងសមត្ថភាព មានការប្រុងប្រយ័ត្នកុំឲ្យមានរឿងខ្វះចន្លោះបែបនេះកើកឡើងបន្តទៀត។
ម្ចាស់ក្លឹបរ៉ាហ៊ូកីឡាខេត្តបាត់ដំបងខាងលើនេះ ក៏មិនមានប្រតិកម្ម ឬតបតយ៉ាងណាទៀតដែរ អស់អ្វីនិងនិយាយទៅហើយ ព្រោះខាងសហព័ន្ធលើកឡើងបែបហើយនោះ ដូច្នេះប្រហែលបញ្ចប់ត្រឹមហ្នឹងហើយ។
រំលឹកដែរថា កីឡាករ ឈិត សេរីវណ្ណថង បានប្រកួតសងសឹកជាលើកទី២ ជាមួយ អេលីត ចំរើន កាលពីថ្ងៃអាទិត្យ ទី២៣ ខែសីហា ២០២០ នៅសង្វៀន PNN ចៅក្រមសម្រេចឲ្យចាញ់ពិន្ទុ (ដោយលទ្ធផលចៅក្រមផ្ដល់ជូន ៤-១) ។ វណ្ណថង ក៏បានដាក់ពាក្យតវ៉ាលទ្ធផលក្រោយពេលបញ្ចប់ការប្រកួតនោះតែម្ដង៕