James ល្ហិចល្ហៀងថា ជិតទៅលេងនៅក្លឹបអង់គ្លេសមួយនេះ
- 2020-08-26 12:32:59
- ចំនួនមតិ 0 | ចំនួនចែករំលែក 0
James ល្ហិចល្ហៀងថា ជិតទៅលេងនៅក្លឹបអង់គ្លេសមួយនេះ
ចន្លោះមិនឃើញ
ខ្សែបម្រើកូឡុំប៊ីកីឡាករ James Rodriguez ត្រូវបានសារព័ត៌មាន Sky Sports រាយការណ៍ថា កៀកណាស់ទៅហើយក្នុងការចាកចេញពីក្លឹប Real Madrid ទៅកាន់ក្លឹបអង់គ្លេស Everton ដើម្បីជុំជើងគ្នាអ្នកចាត់ការអ៊ីតាលី Carlo Ancelotti។
សារព័ត៌មានមួយនេះបានចុះផ្សាយថា Everton បានដាក់សំណើទៅកាន់អធិរាជស Real Madrid ហើយក្លឹបទាំងពីរបាននិយាយគ្នាដោយរលូន ដែលអាចនឹងឈានដល់ការព្រមព្រៀងកិច្ចសន្យាណាមួយ។
កាលពីពេលថ្មីៗនេះដែរ លោក Ancelotti ក៏បានបង្ហាញចំណាប់អារម្មណ៍ពេញចិត្តនឹងការផ្ទេររបស់ James មកកាន់ប្រទេសអង់គ្លេស។
Rodriguez នៅសល់កុងត្រា ១ឆ្នាំទៀតនៅក្លឹប Real Madrid។ កីឡាកររូបនេះមកកាន់ទឹកដីអេស្ប៉ាញកាលពីឆ្នាំ២០១៤កន្លងទៅ។ លុះនៅឆ្នាំ២០១៧ គេក៏ទៅលេងនៅ Bayern Munich ក្នុងលក្ខខណ្ឌខ្ចីជើងរយៈពេល ២ឆ្នាំ ហើយក៏ត្រលប់មកវិញនៅឆ្នាំ២០១៩ តែពេលវិលមកវិញ គេលេងបានតែ ១៤ប្រកួតប៉ុណ្ណោះ៕