Van de Beek បានបញ្ចប់ការពិនិត្យសុខភាព ខណៈការផ្ទេរទៅ Man Utd នឹងប្រកាសឆាប់ៗ
- 2020-09-01 13:56:01
- ចំនួនមតិ 0 | ចំនួនចែករំលែក 0
Van de Beek បានបញ្ចប់ការពិនិត្យសុខភាព ខណៈការផ្ទេរទៅ Man Utd នឹងប្រកាសឆាប់ៗ
ចន្លោះមិនឃើញ
ខ្សែបម្រើហុល្លង់កីឡាករ Donny van de Beek បានបញ្ចប់ការពិនិត្យសុខភាពនៅប្រទេសហុល្លង់ មុនពេលការផ្ទេរចេញពីក្លឹប Ajax ទៅកាន់ក្លឹប Manchester United នេះបើតាមការចុះផ្សាយរបស់សារព័ត៌មាន Sky Sports។
កីឡាកររូបនេះនឹងធ្វើដំណើរទៅកាន់ប្រទេសអង់គ្លេស ក្រោយពីលេងឲ្យក្រុមជម្រើសជាតិហុល្លង់ប៉ះនឹង ប៉ូឡូញ (ថ្ងៃទី៤ ខែកញ្ញា) និងប៉ះអ៊ីតាលី (ថ្ងៃទី៧ ខែកញ្ញា) ក្នុងក្របខ័ណ្ឌ UEFA Nations League។
Van de Beek ស្ថិតក្នុងចំណោមកីឡាករ Ajax ដែលបានឡើងទៅដល់វគ្គពាក់កណ្ដាលផ្ដាច់ព្រ័ត្រកាលពីរដូវកាល២០១៨/១៩។
កីឡាកររូបនេះល្ហិចល្ហៀងថា កៀកនឹងផ្លាស់ទៅកាន់ក្លឹប Real Madrid មុនពេលមានវិបត្តិកូវីដ-១៩ តែមិនទាន់បានធ្វើតេស្តសុខភាព ឬ ចុះកុងត្រាអ្វីនោះទេ៕