ចង់ក្លាយជាតារា JYP ត្រូវតែគោរពវិន័យទាំង ៥នេះជាដាច់ខាត
- 2020-09-07 02:26:55
- ចំនួនមតិ 0 | ចំនួនចែករំលែក 0
ចង់ក្លាយជាតារា JYP ត្រូវតែគោរពវិន័យទាំង ៥នេះជាដាច់ខាត
ចន្លោះមិនឃើញ
ផលិតកម្ម JYP គឺជាផលិតកម្មដ៏ធមមួយក្នុងចំណោមផលិតកម្មធំទាំង ៤ប្រចាំ K-Pop ដែលល្បីខ្លាំងថាមានវិន័យតឹងរឹងបំផុតជាមួយនឹងអ្នកហ្វឹកហាត់ចំណូលថ្មី។
ប្រសិនអ្នកណាម្នាក់ចង់ក្លាយជាតារារបស់ផលិតកម្ម JYP ដាច់ខាតត្រូវត្រៀមចិត្តត្រៀមកាយ គោរពនូវវិន័យដ៏តឹងរឹងទាំង ៥នេះជាដាច់ខាត៖
១. មិនអាចចូលបារដែលមានតែអ្នកបម្រើការនារីៗសុទ្ធទេ
នេះជាវិន័យដែលតម្រូបឲ្យអ្នកដែលស្ថិតនៅក្រោមផលិតកម្មនេះ គោរពឲ្យបានទាំងអស់គ្នា មិនគិតត្រឹមតែអ្នកហ្វឹកហាត់ទេ។ Park Jin Young ធ្លាប់បាននិយាយថា ប្រសិនដឹងថាអ្នកណាហ៊ានល្មើសវិន័យនេះ លោកមិនខ្លាចនឹងបញ្ឈប់ការងារនោះទេ។
២. ការតមរបបអាហារ
Trainee នៅ JYP នឹងត្រូវតមអាហារ ក៏ដូចជាត្រូវបានគេសង្កេតយាមការយ៉ាងតឹងរឹងបំផុត។ តួយ៉ាងដូចអាហារដែលញ៉ាំទៅឆ្អែតខ្លាំង ឬអាហារជា Set ដូចជា Jokbal (អាហារកូរ៉េដែលមានជើងជ្រូក និងទឹកជ្រលក់) ត្រូវបានហាមមិនឲ្យញ៉ាំដាច់ខាត។
៣. រយៈពេលកំពុងវាយតម្លៃ Trainee ទាំងអស់មិនឲ្យច្រៀងបទកូរ៉េឡើយ
H.O សមាជិកក្រុម MADTOWN ធ្លាប់បាននិយាយម្ដងថា អ្នកហ្វឹកហាត់ចំណូលថ្មីរបស់ JYP មិនត្រូវបានអនុញាតិឲ្យច្រៀងបទកូរ៉េដាច់ខាតអំឡុងពេលដែលគេកំពុងវាយតម្លៃ។ ជាឧទាហរណ៍ប្រសិនអ្នក សួរគ្រូបង្វឹកថា «តើខ្ញុំអាចច្រៀងបទកូរ៉េបានទេ?» នោះអ្នកនឹងត្រូវទទួលមួយកំភ្លៀងមិនខាន។
៤. របៀបច្រៀងត្រូវប្រើក្បាច់ «ពាក់កណ្ដាលខ្យល់ ពាក់កណ្ដាលសំឡេង»
Park Jin Young មានស្ទីលច្រៀងប្រចាំខ្លួន ដូចនេះលោកក៏បានជម្រុញឲ្យតារារបស់ខ្លួនច្រៀងតាមស្ទីលនោះដែរគឺ «ពាក់កណ្ដាលខ្យល់ ពាក់កណ្ដាលសំឡេង»។ តារាភាគច្រើនដែលហ្វឹកហាត់នៅក្រុមហ៊ុននេះ សុទ្ធតែត្រូវបានបង្វឹកឲ្យច្រៀងតាមស្ទីលនេះទាំងអស់ ស្របពេល JYP ជឿថាកត្តានេះ នឹងជួយឲ្យសំឡេងស្រទន់ និងបុកខ្យល់ស្រែកចេញ ចូលបានធូរ។
៥. បម្រាមនៃការទាក់ទងមានស្នេហា
បើទោះបីបានជោគជ័យជីវិតជា Trainee និងបានចេញមុខជាផ្លូវការក៏ដោយ ក៏នៅតែមានវិន័យដែលតារាទាំងនោះត្រូវគោរពតាមដែរ នោះគឺច្បាប់មានស្នេហា។ តារារបស់ផលិតកម្មនេះមិនត្រូវបានអនុញាតិឲ្យទាក់ទងមានស្នេហាឡើយក្នុងរយៈពេល ៣ឆ្នាំដំបូង ស្របពេល Park Jin Young ជឿថាប្រសិនបើមិនដាក់វិន័យ វាអាចនឹងនាំរឿងច្របូលច្របល់រំខានដល់ការកសាងកេរ្តិ៍ឈ្មោះរបស់តារាៗ៕