មានដល់ ២៣ម៉ឺននាក់ ចុះឈ្មោះទិញទូរសព្ទតម្លៃ ៣៣០០ដុល្លារ
- 2020-09-10 03:16:47
- ចំនួនមតិ 0 | ចំនួនចែករំលែក 0
មានដល់ ២៣ម៉ឺននាក់ ចុះឈ្មោះទិញទូរសព្ទតម្លៃ ៣៣០០ដុល្លារ
ចន្លោះមិនឃើញ
ផ្អែកតាមដំណឹងថ្មីមួយចេញពីប្រទេសកូរ៉េខាងត្បូង បានឲ្យដឹងថា Galaxy Z Fold2 របស់ Samsung កំពុងតែមានតម្រូវការខ្លាំង។ Galaxy Z Fold2 ធម្មតាមានតម្លៃប្រមាណ ២០០០ដុល្លារ ចំណែកប្រភេទពិសេស Thom Browne Edition មានតម្លៃដល់ ៣៣០០ដុល្លារ។
ទោះបីជា Thom Browne Edition មានតម្លៃថ្លៃខ្លាំងក្ដី ប៉ុន្តែមានមនុស្សប្រមាណ ២៣ម៉ឺននាក់នៅកូរ៉េខាងត្បូងបានចុះឈ្មោះទិញស្មាតហ្វូនដែលផលិតមានចំនួនកំណត់នេះ។ ស្មាតហ្វូនពិសេសនេះមានភ្ជាប់មកជាមួយនូវកាស Galaxy Buds Live និង Galaxy Watch3 រួមជាមួយសម្បកការពារពិសេសផងដែរ។
យ៉ាងណាក្ដី Samsung គ្រោងផលិត Galaxy Z Fold2 Thom Browne Edition ត្រឹម ៥ពាន់គ្រឿងប៉ុណ្ណោះសម្រាប់លក់លើសកលលោក ដែលនៅកូរ៉េខាងត្បូងនឹងមានលក់ត្រឹម ១ពាន់គ្រឿងប៉ុណ្ណោះ។ នេះមានន័យថាទាល់តែអ្នកមានសំណាងទើបអាចបានប្រើស្មាតហ្វូនបត់ពិសេសនេះ៕