James រំពឹងអាចធ្វើរឿងធំ២កើតឡើង សម្រាប់ការផ្លាស់មក Everton

2020-09-11 07:47:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើប្រយុទ្ធថ្មីរបស់ក្លឹប Everton កីឡាករ James Rodriguez ជឿជាក់ថា គេនឹងអាចយកទម្រង់ដើមដែលធ្លាប់លេងល្អកន្លងទៅមកវិញ និងឈ្នះពានជាមួយក្រុម។

កីឡាករដែលមានតម្លៃខ្លួនពិតប្រាកដ១២លានផោនផ្ទេរពី Real Madrid ធ្លាប់ជាម្ចាស់ស្បែកជើងមាសនៅព្រឹត្តិការណ៍ World Cup ២០១៤ និងរកបាន១៧គ្រាប់ក្នុងការបង្ហាញខ្លួនជាជម្រើសដំបូង៤០ប្រកួតក្រោមការដឹកនាំរបស់ Ancelotti នៅកីឡដ្ឋាន Bernabeu។

ត្បិតតែធ្លាប់ឈ្នះពានចំនួន៩ ប៉ុន្តែទម្រង់លេងរបស់ James ហាក់មិនស្ថិតឋេរសោះ។ យ៉ាងណាកីឡាករវ័យ២៩ឆ្នាំសញ្ជាតិកូឡំប៊ីជឿជាក់ថា ការធ្វើការជាមួយលោក Ancelotti ជាលើកទី៣នឹងអាចជួយ Everton លើកពាន។

James បានលើកឡើងថា នៅ Everton ជាក្រុមដែលមានបុគ្គលិកមានគំនិតជ្រៅនៅគ្រប់ថ្នាក់ ដែលពួកគេទាំងនោះអាចកំណត់ឈានទៅរកគោលដៅដែលចង់បាន ជាពិសេសការឈ្នះពាន។ វាគឺជាផែនការរយៈពេលវែង ប៉ុន្តែមិនថាប៉ុន្មានខែទៀតឬប៉ុន្មានឆ្នាំទៀត ការឈ្នះពានអាចនឹងមានលទ្ធផល។ James ក៏សង្ឃឹមអាចយកទម្រង់លេងកាលពី៦ឆ្នាំមុនមកវិញឲ្យបានផងដែរ ក្រោមការដឹកនាំរបស់អ្នកចាត់ការដែលស្គាល់គេច្បាស់៕

ប្រភព៖ Dailymail ប្រែសម្រួល៖ ហេង សុធារិទ្ធិ