Vidal កំពុងតែត្រៀមវេចបង្វេចផ្លាស់ចេញពី Barca ទៅកាន់ក្លឹបធំអ៊ីតាលី
- 2020-09-15 12:53:04
- ចំនួនមតិ 0 | ចំនួនចែករំលែក 0
Vidal កំពុងតែត្រៀមវេចបង្វេចផ្លាស់ចេញពី Barca ទៅកាន់ក្លឹបធំអ៊ីតាលី
ចន្លោះមិនឃើញ
ខ្សែបម្រើឈីលី Arturo Vidal កំពុងតែត្រៀមផ្ទេរចេញពីក្លឹប Barcelona ទៅកាន់ក្លឹបធំអ៊ីតាលី Inter Milan នេះបើតាមការចុះផ្សាយរបស់សារព័ត៌មាន Goal។
សារព័ត៌មានអន្តរជាតិមួយនេះបានឲ្យដឹងថា ការផ្ទេរចេញនេះកំពុងតែកៀកនឹងបញ្ចប់ណាស់ទៅហើយ ដោយកីឡាករអាមេរិកឡាទីនរូបនេះនឹងហោះទៅកាន់ទីក្រុងមីឡង់ ប្រទេសអ៊ីតាលី នៅថ្ងៃអង្គារនេះ (ម៉ោងនៅទ្វីបអឺរ៉ុប)។
Goal ក៏បានទម្លាយឲ្យដឹងថា Inter ចំណាយមិនដល់ ១លានដុល្លារផង ដើម្បីទិញ Vidal ចេញពី Barcelona។
សូមរំលឹកផងដែរថា Vidal មួយរយៈចុងក្រោយនេះ ហាក់មិនស្ថិតក្នុងផ្នែកមួយនៃក្រុមកីឡាកររបស់ក្លឹបមានមូលដ្ឋាននៅតំបន់ស្វយ័តបាសេឡូណាឡើយ។ លើសពីនេះទៀត គេធ្លាប់បានបញ្ចេញនូវភាពមិនសប្បាយចិត្តទាក់ទិននឹងរឿងគ្រូបង្គោលថ្មីលោក Ronaldo Koeman៕