ព្រឹត្តិការណ៍ MAMA ២០២០ នឹងធ្វើឡើងនៅប្រទេសកូរ៉េវិញជាលើកដំបូងក្រោយខកខាន ១១ឆ្នាំ
- 2020-09-21 01:50:00
- ចំនួនមតិ 0 | ចំនួនចែករំលែក 0
ព្រឹត្តិការណ៍ MAMA ២០២០ នឹងធ្វើឡើងនៅប្រទេសកូរ៉េវិញជាលើកដំបូងក្រោយខកខាន ១១ឆ្នាំ
ចន្លោះមិនឃើញ
កម្មវិធីប្រគល់ពានរង្វាន់ធំប្រចាំឆ្នាំ Mnet Asian Music Awards (MAMA) នឹងវិលទៅប្រាព្ធធ្វើនៅប្រទេសកូរ៉េដែលជាប្រទេសកំណើតវិញ ជាលើកដំបូងបង្អស់ ក្រោយរយៈពេល ១១ឆ្នាំ ដែលតែងធ្វើនៅប្រទេសផ្សេងៗ។
យោងតាមប្រភពព័ត៌មានច្បាស់ការពីវិបសាយ Ilgan Sport បានឲ្យដឹងថា ដោយសារនៅមានការគំរាមកំហែងពីមេរោគឆ្លង COVID-19 ទើបកម្មវិធី MAMA ឆ្នាំ ២០២០ ត្រូវធ្វើនៅថ្ងៃទី ០៦ ខែធ្នូ នៅ CJ ENM Content World ស្ថិតក្នុងទីក្រុង Paju ប្រទេសកូរ៉េខាងត្បូងវិញ។
ជាមួយគ្នានោះ ក៏មានការបញ្ជាក់បន្ថែមទៀតថា BTS ក៏នឹងបង្ហាញវត្តមានចូលរួមកម្មវិធីនេះដែរ ឯតារាផ្សេងទៀតក៏បង្ហើបថានឹងចូលរួមជាបន្តបន្ទាប់ដែរ។ មួយវិញទៀតទាក់ទងនឹងការរៀបចំការសម្ដែង CJ ENM ក៏បានបង្ហើបដែរថា នឹងធ្វើឲ្យព្រឹត្តិការណ៍ឆ្នាំនេះកាន់តែអស្ចារ្យជាមួយនឹងបច្ចេកទេសថ្មីទំនើបចុងក្រោយ ព្រមទាំងធានាថានឹងធ្វើឲ្យឆាកសម្ដែងលេចធ្លោអស្ចារ្យបំផុត៕