De Bruyne ផ្ដាំ Man City ត្រូវប្រយុទ្ធជាមួយ Liverpool យកពានមកវិញ

2020-09-23 08:17:34
ចំនួនមតិ 0 | ចំនួនចែករំលែក 0

ចន្លោះមិនឃើញ

តារារបស់ក្លឹប Manchester City កីឡាករ Kevin De Bruyne បាននិយាយថា ក្រុមរបស់គេកំពុងសម្លឹងក្នុងការប្រកួតប្រជែងជាមួយ Liverpool ដើម្បីពាន Premier League រដូវកាលនេះ បន្ទាប់ពីរបូតកាលពីរដូវកាលមុន។

City បានខកខានការពារតំណែងជើងរបស់ពួកគេនៅរដូវកាល២០១៩-២០ ដោយ Liverpool ប្រជែងវ៉ាដាច់ផឹង១៨ពិន្ទុលើពានជាលើកដំបូងក្នុងរយៈពេល៣០ឆ្នាំ។ ហង្សក្រហមចាប់ផ្ដើមរដូវកាល២០២០-២១ ជាមួយនឹងការឈ្នះពីរប្រកួតជាប់គ្នា ខណៈ Man City ទើបតែលេងបានមួយប្រកួតប៉ុណ្ណោះបានឈ្នះលើក្រុម Wolves ៣-១។

និយាយប្រាប់វិបសាយរបស់ City ខ្សែបម្រើប្រយុទ្ធសញ្ជាតិប៊ែហ្ស៊ិកលើកឡើងថា ក្រុមរបស់គេលេងបានល្អត្បិតទើបតែហាត់បាន២សប្ដាហ៍។ គ្រប់យ៉ាងតែងតែលំបាក ប៉ុន្តែនៅតែរក្សាភាពម៉ត់ចត់។ ប្រសិនបើដំណើរការប្រជែងពានដូចប៉ុន្មានរដូវកាលមុនៗ វានឹងពិបាក។ City ចង់ប្រយុទ្ធជាមួយ Liverpool។

សម្រាប់រដូវកាលថ្មី City នឹងលេងដោយគ្មាន David Silva បន្ទាប់ពីរូបគេបានសម្រេចចិត្តទៅចូលរួមជាមួយ Real Sociedad នៅប្រទេសអេស្ប៉ាញ។ ចំណុចនេះ De Bruyne យល់ថា City នឹងនឹក Silva ហើយត្រូវបំពេញបន្ថែមសម្រាប់អវត្តមានរបស់គេ៕

ប្រភព៖ Goal ប្រែសម្រួល៖ ហេង សុធារិទ្ធិ