Jose ថាអាចនឹងបោះចោលពាន Carabao Cup ហើយ ព្រោះរវល់ពេក
- 2020-09-29 04:01:43
- ចំនួនមតិ 0 | ចំនួនចែករំលែក 0
Jose ថាអាចនឹងបោះចោលពាន Carabao Cup ហើយ ព្រោះរវល់ពេក
ចន្លោះមិនឃើញ
ក្រុម Spurs នឹងត្រូវបើកទីលានរបស់ខ្លួនស្វាគមន៍ក្រុមភ្ញៀវ Chelsea ក្នុងពានរង្វាន់ Carabao Cup នៅម៉ោង១:៤៥នាទីរំលងអាធ្រាត្រនេះ។
សម្រាប់ការប្រកួតនេះដែរ លោក Jose Mourinho បានអះអាងថាលោកទំនងជានឹងប្រើប្រាស់ក្មេងៗឱ្យលេងច្រើនហើយ ព្រោះកាលវិភាគនៃការប្រកួតរបស់ Spurs ញឹកខ្លាំងមែនទែន។ ការចង់បោះពាន Cup មួយនេះចោល ក៏ព្រោះថាក្រុម Spurs បច្ចុប្បន្ននេះក៏មានកីឡាករសំខាន់របួសច្រើនដែរ ដូច្នេះហើយលោក Jose មិនចង់ប្រថុយដាក់កីឡាករល្អៗលេង ហើយរងរបួសទៀតនោះទេ។
អ្នកចាត់ការក្រុម Spurs បាននិយាយថា៖ “ខ្ញុំចូលចិត្តការប្រកួតប្រជែងក្នុងពាន Carabao ប៉ុន្តែខ្ញុំមិនគិតថាខ្ញុំអាចធ្វើវាលើកនេះបានទេ។ EFL បានធ្វើការសម្រេចឱ្យយើង។ ពួកគេមិនបានបង្កើតបញ្ហាឱ្យយើងទេ ពួកគេបានធ្វើឱ្យយើងសម្រេចចិត្តតែម្ដង។ វគ្គក្នុងពូល Europa បានផ្ដល់ឱ្យយើងនូវចំនួនប្រាក់ជាច្រើន។ សម្រាប់ក្លឹបដូចជាយើង គឺវាពិតជាសំខាន់ណាស់”៕