ដឹងហើយតាមពិត សុវណ្ណនាថ និងស្រីតូច ស្គាល់គ្នាតាមហ្នឹងសោះ មុនក្លាយជាប្ដីប្រពន្ធ
- 2020-09-30 02:43:18
- ចំនួនមតិ 0 | ចំនួនចែករំលែក 0
ដឹងហើយតាមពិត សុវណ្ណនាថ និងស្រីតូច ស្គាល់គ្នាតាមហ្នឹងសោះ មុនក្លាយជាប្ដីប្រពន្ធ
ចន្លោះមិនឃើញ
ស្មាត់ធំលំដាប់ស្រុកខ្មែររហស្សនាមប្ដូរចង្កេះលើអាកាស រ៉េត សុវណ្ណនាថ និង ធី ស្រីតូច បានរៀបការរួចមកហើយ កាលពីថ្ងៃទី១១ ខែកក្ដដា ឆ្នាំ២០២០ ក្រោយស្គាល់គ្នាអស់រយៈពេលជាង៣ឆ្នាំ។ មុនក្លាយជាប្ដីប្រពន្ធនឹងគ្នា តើអ្នកទាំងពីរស្គាល់គ្នាតាមរយៈអ្វី?
តាមការឱ្យដឹងពីស្រីស្អាត ប្រចាំស្រុកពាមជរខេត្តព្រៃវែង ធី ស្រីតូច អ្នកទាំងពីរបានស្គាល់គ្នាតាមរយៈការខំមិន និងឆាតឆ្លើយឆ្លងគ្នាតាមទូរសព្ទ។
ស្រីតូច បានបញ្ជាក់ថា ៖«រឿងស្គាល់គ្នាហ្នឹង ស្គាល់គ្នាតាមទូរសព្ទ តែស្គាល់គ្នាហ្នឹងសុវណ្ណនាថអត់ទាន់ល្បីដល់អ៊ីចឹងអ្ហេ ខ្ញុំអត់ដឹងថាគេកីឡាករបាល់ទះទេ...កាលហ្នឹងដូចជា អឺ...រៀងអ៊ែរដែរ...កាលហ្នឹងសុវណ្ណនាថឆាតមក (ខ្ញុំ) ជាង១ខែតែ (ខ្ញុំ) អត់តបទេ ព្រោះអីរៀងអ៊ែរដែរ...ហើយអត់គិតថា អឺ...អ្នកណាៗទេព្រោះអត់ស្គាល់គ្នា...ព្រោះខ្ញុំអត់ដែលមើលបាល់ទះ មើលអីអ៊ីចឹង ខ្ញុំក៏អត់តបជា១ខែ ហើយដល់ថ្ងៃមួយនោះ អឺ...ដោយសារតែ Friend ហ្នឹងគ្នា ក៏ឃើញគេផុសខួបកំណើតគេ ក៏ Comment ជូនពរគេអ៊ីចឹងទៅ...ហើយគេឆាតមកសារថ្មីទៀត ក៏តបគ្នារហូតអ៊ីចឹងទៅ»។
ស្ត្រីលក់ផលិតផលអនឡាញដ៏ឆ្នើមរូបនេះ បានបន្ថែមទៀតថាខ្លួននិង Super Neymar បានចាប់ផ្ដើមតបឆាតគ្នាដំបូង នៅថ្ងៃទី២៩ ខែធ្នូ ឆ្នាំ២០១៧ ដែលជាថ្ងៃខួបកំណើតរបស់ រ៉េត សុវណ្ណនាថ។ ទំនាក់ទំនងរបស់អ្នកទាំងពីរ ក៏ចាប់ផ្ដើមមានពន្លកហើយលូតលាស់ល្អ តាំងពីពេលនោះមក រហូតយល់ចិត្តថ្លើាម និងកាន់ដៃគ្នាចូលរោងការ នៅថ្ងៃទី ១១ ខែកក្ដដា ឆ្នាំ២០២០ តែម្ដង៕